हायटेक सायबर गुन्हेगारांची टोळी सक्रिय; दोघांना चार लाखांनी गंडा

हायटेक सायबर गुन्हेगारांची टोळी सक्रिय; दोघांना चार लाखांनी गंडा

नागपूर : काही दिवसांत हायटेक सायबर गुन्हेगारांच्या (Cyber criminals) टोळ्या सक्रिय झाल्या आहेत. सायबर गुन्हेगारांनी वेगवेगळ्या नामांकित कंपनीच्या नावाने नागरिकांना फोन करून ग्राहकांच्या बॅंक खात्यातून परस्पर पैसे (Mutual money from a bank account) काढण्याचा धडाका लावला आहे. सोमवारी असाच प्रकार उघडकीस आला असून, दोघांना चार लाख रुपयांनी गंडा घातला. नागपूर सायबर क्राईमचे (Cyber Crime) अधिकाऱ्यांनी अनेक सायबर गुन्ह्यांचा छडा लावला आहे. परंतु, आता नव्याने तयार झालेल्या हायटेक गुन्हेगारांचे आव्हान नागपूर पोलिसांना आहे. (High tech cyber criminal gang active Nagpur crime news)

बीएसएनएल कंपनीतून बोलत असल्याची बतावणी

बीएसएनएल कंपनीतून बोलत असल्याची बतावणी करून इसमाच्या मोबाईलमधून सर्व माहिती काढून परस्पर २ लाख ६० हजार रुपये वळते केल्याप्रकरणी बजाजनगर पोलिसांनी फसवणुकीचा गुन्हा दाखल केला आहे. ८ मे रोजी दुपारी १ ते २.३० वाजेदरम्यान ही घटना घडली. जनता चौकातील दिवान प्लाझा येथे राहणारे नविंदरसिंग दिवानसिंग खुराणा (६६) हे घरी हजर होते.

हायटेक सायबर गुन्हेगारांची टोळी सक्रिय; दोघांना चार लाखांनी गंडा
'त्यांनी' डॉक्टरांमध्ये प्रत्यक्ष बघितला देव! ऑक्सिजन लेव्हल ३० असतानाही वाचवला जीव

त्यावेळी त्यांच्या मोबाईलवर अज्ञात आरोपीने फोन करून बीएसएनएल कंपनीचा कर्मचारी बोलत असल्याचे बोलत असल्याचे सांगितले. त्यानंतर खुराणा यांच्या मोबाईलमधून माहिती चोरून आरोपीने खुराणा यांच्या फेडरल बँकेच्या खात्यातून परस्पर २ लाख ६० हजार रुपये परस्पर वळते केले. खुराणा यांच्या लक्षात हा प्रकार येताच त्यांनी बजाजनगर पोलिस ठाण्यात तक्रार केली. या तक्रारीवरून पोलिसांनी फसवणुकीचा गुन्हा दाखल केला आहे.

वीमा कंपनीच्या तोतयाने फसविले

वीमा पॉलिसीवर दहा टक्के कमीशन देणार असल्याचे सांगून १ लाख ३३ हजार ३२४ रुपयांनी फसवणूक केल्याप्रकरणी इमामवाडा पोलिसांनी अज्ञात भामट्याविरुद्ध गुन्हा दाखल केला आहे. ३१ डिसेंबर २०२० रोजी मेडिकल चौकातील कॅपीटल हाईट्स येथे राहणाऱ्या दिलीप तुळशीराम देवतारे (६१) यांना एका अज्ञात आरोपीने फोन केला. मॅक्स लाईफ इन्शुरन्स कंपनीतून बोलत असल्याचे सांगून विम्याची वार्षिक प्रिमीयम भरल्यास दहा टक्के कमीशन मिळेल असे सांगितले.

त्यानुसार देवतारे यांनी आरोपीने दिलेल्या अ‍ॅक्सीस बँकेच्या खात्यात मॅक्स कंपनीच्या नावाने १ लाख ३३ हजार ३२४ रुपये भरले. परंतु, देवतारे यांना पावती न मिळाल्याने त्यांनी कंपनीच्या मुख्यालयात चौकशी केली असता आम्ही कुठलेही कमीशन देत नाही असे सांगितले. आपली फसगत झाल्याचे लक्षात येताच देवतारे यांनी इमामवाडा पोलिसात तक्रार केली. या तक्रारीवरून पोलिसांनी फसवणुकीचा गुन्हा दाखल केला आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com