Anil Deshmukh : अनिल देशमुख यांचे आज आगमन

ईडी आणि सीबीआयकडे कुठलेही ठोस पुरावे आढळले नसल्याने सर्वोच्च न्यायालयाने जामीन मंजूर केल्यानंतर माजी गृहमंत्री अनिल देशमुख तब्बल १८ महिन्यांनंतर शनिवारी (ता.११) नागपूरला येत आहेत.
Anil Deshmukh
Anil DeshmukhSakal
Summary

ईडी आणि सीबीआयकडे कुठलेही ठोस पुरावे आढळले नसल्याने सर्वोच्च न्यायालयाने जामीन मंजूर केल्यानंतर माजी गृहमंत्री अनिल देशमुख तब्बल १८ महिन्यांनंतर शनिवारी (ता.११) नागपूरला येत आहेत.

नागपूर - ईडी आणि सीबीआयकडे कुठलेही ठोस पुरावे आढळले नसल्याने सर्वोच्च न्यायालयाने जामीन मंजूर केल्यानंतर माजी गृहमंत्री अनिल देशमुख तब्बल १८ महिन्यांनंतर शनिवारी (ता.११) नागपूरला येत आहेत. राष्ट्रवादीतर्फे मिरवणूक काढून त्यांचे जंगी स्वागत करण्यात येईल.

देशमुख शनिवारी दुपारी तीन वाजता मुंबईहून विमानाने नागपूरला दाखल होत आहेत. राष्ट्रवादी काँग्रेसतर्फे त्यांचे विमानतळावर स्वागत करण्यात येईल. येथून ढोलताशांच्या गजरात त्यांची मिरवणूक काढण्यात येणार आहे.

मिरवणुकीने ते वर्धा रोडवरील साईबाबा यांचे ते दर्शन घेतील. पुढे सीताबर्डीवरील महात्मा गांधी आणि संविधान चौकातील डॉ. बाबासाहेब आंबेडकर यांना अभिवादन करून अनिल देशमुख जीपीओ चौकातील बंगल्यात दाखल होणार आहेत. यादरम्यान, चौकाचौकांमध्ये लाडू वितरण, पुष्पवर्षाव करण्यात येईल, अशी माहिती राष्ट्रवादीचे शहराध्यक्ष दुनेश्वर पेठे, ग्रामीणचे अध्यक्ष बाबा गुजर, प्रवीण कुंटे पाटील, शेखर सावरबांधे, आभा पांडे, महिला अध्यक्ष लक्ष्मी सावरकर, संतोष सिंग, शैलेंद्र तिवारी आदींनी पत्रकार परिषदेत दिली.

कोर्टाच्या निरीक्षण पत्रकांचे वितरण

जामीन मंजूर करताना ईडी आणि सीबीआयच्या आरोपांवर सर्वोच्च न्यायालयाने नोंदवलेले निरीक्षण, दोषी आढळून आले नसल्याचे व्यक्त केलेले मत तसेच न्यायालयात प्रत्येक सुनावणीच्या वेळी घडलेल्या युक्तिवादाचे पत्रक नागपूर शहरासह काटोल-नरखेड विधानभा मतदारसंघातील घरोघरी पोहोचवले जात आहे.

परमबीरसिंग आणि सचिव वाझे यांनी केलेले आरोप ऐकीव आहेत. सचिन वाझे विश्वासार्ह साक्षीदार नाही. तो अनेक गंभीर गुन्ह्यातील आरोप आहे. कोणतेही पुरावे नसल्याने अनिल देशमुख यांना दोषी ठरवणे शक्य होणार नाही. तसेच ३० वर्षांपासून राजकीय व सार्वजनिक जीवनाच्या काळात त्यांच्यावर एकही गुन्हा नाही. ते स्वच्छ प्रतिमेचे आहेत, असे निरीक्षण न्यायालयाचे आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com