Nagpur : नागपुरातून सुटणाऱ्या सहा एक्‍स्प्रेस रद्द

नागपुरातून सुटणाऱ्या व समाप्त होणाऱ्या एकूण सहा एक्स्प्रेस गाड्या रद्द करण्यात आल्या आहेत.
Railway  News
Railway Newsesakal

नागपूर : मध्य रेल्वेच्या सोलापूर विभागातील दौंड ते मनमाड दरम्यान दुहेरीकरणाच्या कामासाठी बेलापूर, चितळी आणि पुणतांबा स्थानकादरम्यान लाईन डबलिंग प्रोजेक्टसाठी नॉन इंटरलॉकिंग करण्यात येणार आहे. त्यामुळे नागपूर मार्गे धावणाऱ्या, नागपुरातून सुटणाऱ्या व समाप्त होणाऱ्या एकूण सहा एक्स्प्रेस गाड्या रद्द करण्यात आल्या आहेत.

गाडी क्रमांक १२११४ नागपूर-पुणे गरीबरथ एक्स्प्रेस २१ मार्चला रद्द करण्यात आली आहे. यासह २२ मार्चला १२११३ पुणे-नागपूर गरीबरथ एक्स्प्रेस आणि १२१३६ नागपूर-पुणे एक्स्प्रेस रद्द करण्यात आली आहे. गाडी क्रमांक ११०३९ कोल्हापूर-गोंदिया महाराष्ट्र एक्स्प्रेस २१ व २२ मार्चला आणि ११०४० गोंदिया-कोल्हापूर महाराष्ट्र एक्स्प्रेस २२ व २३ मार्चला रद्द करण्यात आली आहे.

१२१३५ पुणे-नागपूर एक्स्प्रेस २३ मार्चला धावणार नाही. यासह १२१३० हावडा-पुणे आझाद हिंद एक्स्प्रेसच्या २० व २१ मार्चला आणि २२ मार्चला १२१२९ पुणे-हावडा आझाद हिंद एक्स्प्रेसच्या मार्गात बदल करण्यात आला असून दोन्ही गाड्या नागपूर, बल्लारशाह, सिकंदराबाद, वाडी व दौंड मार्गे धावणार आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com