नागपूर : राणा दाम्पत्याचे चालिसा पठण राजकीय; राष्ट्रवादीचा आरोप | Sakal
sakal

बोलून बातमी शोधा

Ravi Rana and Navneet Rana

नागपूर : राणा दाम्पत्याचे चालिसा पठण राजकीय; राष्ट्रवादीचा आरोप

नागपूर : हनुमान चालिस पठनावरून आज नागपूरमध्ये राष्ट्रवादी काँग्रेस आणि राणा दाम्पत्यामध्ये शाब्दिक सामना रंगला. दोन्ही गट एकमेकांसमोर एकाच वेळी येऊ नये याची खबरदारी पोलिसांनी घेतल्याने प्रत्यक्षात खडाजंगी झाली नाही. राष्ट्रवादीने राणा दम्पत्याचे चालिसा पठन राजकीय असल्याचा आरोप केला तर नवनित राणा यांनी मुख्यमंत्र्यांनी शनी संबोधले तसेच महाराष्ट्राला महाविकास आघाडीच्या रुपाने शनीची साडेसाती लागली असल्याने चालिना पठन केले जात असल्याचे सांगितले.

माजी मुख्यमंत्री देवेंद्र फडणवीस आणि काँग्रेसचे प्रदेशाध्यक्ष नाना पटोले यांनीही हनुमान चालिसा पठणावर यावर प्रतिक्रिया व्यक्त करून राजकीय टीकाटिपणी केली. फडणवीस यांनी हनुमान चालिसा पठणावर बंदी घालता येत नाही. महाविकास आघाडी सरकारने यावरचे राजकारण बंद करावे असा सल्ला मुख्यमंत्र्यांना दिला तर नाना पटोले यांनी राणा दम्पत्याना काय करायचे ते करू द्या आम्हाला यात काही रस नाही असे सांगून अधिक भाष्य करण्याचे टाळले.

हनुमान चालिसाचे राजकारण बंद करा

कुणी हनुमान चालिसा पठण करत असेल तर चांगलेच आहे. कोणाला हनुमान चालिसा पठण करण्यापासून रोखता येत नाही. ज्यांना चालिसा पठण करायचे आहे त्यांना करू द्या, असे सांगून माजी मुख्यमंत्री देवेंद्र फडणवीस यांनी महाविकास आघाडी सरकारने हनुमान चालिसाचे राजकारण बंद करावे असे आवाहन केले. राणा दांपत्याचे समर्थनात लागलेल्या पोस्टर बॅनरवर आज भाजपच्या बड्या नेत्यांचे फोटो दिसतात. या प्रश्नावर ते म्हणाले, सकारात्मक असले तर आमची हरकत नाही. मुख्यमंत्र्यांना राणा यांनी शनी म्हटले. यावर सर्वांनीच सभ्य भाषेचा वापर करावा असा सल्ला फडणवीस यांनी दिला. मुख्यमंत्र्यांच्या विरोधात एक अक्षरही बोलले तरी तुम्हाला किमान पाच ठिकाणच्या जेलमध्ये जावे लागते.

Web Title: Ncp Alleges Rana Couple Hanuman Chalisa Reading Political

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top