मकत्याने केलेल्या शेतात रोज रंगायचा जुगाराचा डाव; अखेर पोलिसांनी टाकला मोठा छापा 

यवतमाळ : येथून जवळच असलेल्या जामवाघाडी शिवारात मक्त्याने घेतलेल्या शेतात सुरू असलेल्या जुगारावर छापा टाकून नऊ जुगारींना अटक करण्यात आली. सोमवारी (ता.24) यवतमाळ ग्रामीण पोलिसांनी ही कारवाई केली. त्यामुळे जुगारींमध्ये खळबळ उडाली आहे.

भूषण गनडीवार (वय 32), सारंग वानरे (वय 45), सचिन लोहीया (वय 42), चंदन मारोटे (वय 35, सर्व रा. चांदूररेल्वे, जि. अमरावती), फईम कादर अन्सारी (वय 36, रा. घाटंजी), प्रवीण उईके (वय40, रा. भांबराजा), विलास भगत (वय35, रा. आकपुरी), नारायण राठोड (वय 56, रा. अर्जुना), शेख आसीफ शेख चांद (वय 35, रा. पारवा) असे अटकेतील जुगारींची नावे आहेत.

सविस्तर वाचा - अफलातून; शिक्षक उमेदवारानी लावली शर्ट बनियानवर लग्नसंमारंभात हजेरी

पोलिसांची चाहूल लागताच विनोद चव्हाण (रा. यवतमाळ) हा पळून गेला. गुड्डू पहेलवान याचे शेत विनोद चव्हाण नामक व्यक्तीने मक्त्याने घेतले होते. त्या शेतात जुगार भरविला जात होता. ही माहिती ठाणेदार गजानन करेवाड यांना मिळताच त्यांनी पथकासह खासगी वाहनाने घटनास्थळ गाठले. घटनास्थळावरून नऊ जुगारींना अटक केली. 

एक कार, दोन दुचाकी, रोख रक्कम असा एकूण आठ लाख 94 हजार रुपयांचा मुद्देमाल जप्त करण्यात आला. जुगारींविरुद्घ यवतमाळ ग्रामीण पोलिस ठाण्यात गुन्हा नोंदविण्यात आला. पुढील तपास ठाणेदार ठाणेदार गजानन करेवाड यांच्या मार्गदर्शनात सुरू आहे.

हेही वाचा - आता बांबूच्या बाटलीने प्या पाणी, नैसर्गिक चवीसोबत आरोग्याचंही रक्षण

परजिल्ह्यातील जुगारींची हजेरी

मक्त्याने शेती घेऊन तेथे जुगार भरविण्याचा फंडा चव्हाण नामक व्यक्तीने अवलंबिला होता. या जुगार अड्ड्यावर अमरावती जिल्ह्यातील जुगारींसह घाटंजी, पारवा व परिसरातील जुगारी हजेरी लावायचे. या ठिकाणी लाखोंची उलाढाल होत असल्याची माहिती सूत्रांनी दिली.

संपादन - अथर्व महांकाळ