चिमुकलीवर अत्याचार करणाऱ्यास शिक्षा 

file photo
file photo

नागपूर  : अल्पवयीन मुलीला घरात नेऊन तिच्यावर अत्याचार करणाऱ्या नराधम तरुणास पाच वर्षे सश्रम कारावास आणि एक हजार रुपये दंडाची शिक्षा सत्र न्यायालयाने सुनावली. आकाश सत्यनारायण जैस्वाल (23) असे आरोपीचे नाव आहे. याप्रकरणी पोक्‍सो ऍक्‍टनुसार 13 मार्च 2016 रोजी कळमना पोलिसांत गुन्हा नोंदविण्यात आला होता. 
कळमना पोलिस ठाण्याच्या हद्दीत राहणारा आरोपी आकाश सत्यनारायण जैस्वाल याने वस्तीतील सातवर्षीय मुलीला "पीठ आणून देतो' असे कारण देत घरी नेले. त्यानंतर, मुलीवर अत्याचार केला. याप्रकरणी आरोपीविरोधात मुलीच्या पालकांनी कळमना पोलिसांत तक्रार दिली होती. सर्व साक्षीदार तपासल्यानंतर सत्र न्यायालयाने आरोपीला कलम 376 (2) (आय), 511 आणि पोक्‍सो ऍक्‍टनुसार पाच वर्षे सश्रम कारावास आणि 1 हजार रुपये दंडाची शिक्षा सुनावली. दंड न भरल्यास दोन महिन्यांची साधी शिक्षा ठोठावण्यात आली. या प्रकरणात पोलिस उपनिरीक्षक सी. पी. गुजर यांनी न्यायालयामध्ये दोषारोपपत्र दाखल केले. तर, सरकारी वकील म्हणून ऍड. कल्पना पांडे यांनी, आरोपीतर्फे ऍड. एस. एस. मेश्राम यांनी बाजू मांडली. या प्रकरणी जिल्हा व सत्र न्यायाधीश एस. एस. देशपांडे यांच्या समक्ष सुनावणी झाली. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com