"एमबीए'ची दुसरी प्रवेश फेरी थांबविली

सकाळ वृत्तसेवा
मंगळवार, 30 जुलै 2019

नागपूर : "एमबीए'च्या गुणवत्ता यादीतील घोळ निदर्शनास येताच, सीईटी सेलद्वारे तीन दिवसानंतर प्रवेश प्रक्रियेतील दुसऱ्या फेरी थांबविण्यात आली आहे. 24 जुलै पासूनच विद्यार्थ्यांना प्रवेशाचे ऑप्शन भरता येत नसल्याची तक्रार समोर आली होती. आता अधिकृतरित्या ही प्रक्रिया थांबविण्यात आली असून ती नेमकी केव्हा सुरू होणार याबाबत अनिश्‍चितता आहे.

नागपूर : "एमबीए'च्या गुणवत्ता यादीतील घोळ निदर्शनास येताच, सीईटी सेलद्वारे तीन दिवसानंतर प्रवेश प्रक्रियेतील दुसऱ्या फेरी थांबविण्यात आली आहे. 24 जुलै पासूनच विद्यार्थ्यांना प्रवेशाचे ऑप्शन भरता येत नसल्याची तक्रार समोर आली होती. आता अधिकृतरित्या ही प्रक्रिया थांबविण्यात आली असून ती नेमकी केव्हा सुरू होणार याबाबत अनिश्‍चितता आहे.
एमबीए प्रवेशासाठी विद्यार्थ्यांना प्रवेशपूर्व परीक्षा उत्तीर्ण करणे गरजेचे असते. महाराष्ट्र स्टेट कॉमन एंट्रेंस टेस्ट (एमएचसीईटी), एम्स टेस्ट फॉर मॅनेजमेंट एडमिशन्स (एटमा), मॅनेजमेंट एप्टिट्यूड टेस्ट ( मॅट), कॉमन मॅनेजमेंट एडमिशन टेस्ट (सी-मॅट) सारख्या कॉमन एन्टरन्स टेस्टमधील गुणांच्या आधारावर विद्यार्थ्यांना प्रवेश देण्यात येतो. नोंदणीदरम्यान विद्यार्थ्यांच्या सर्व कागदपत्रांची तपासणी करण्यात येते. नोंदणीनंतर गुणवत्ता यादी तयार करण्यात येते. प्रथम तात्पुरती तर त्यानंतर अंतिम गुणवत्ता यादी प्रकाशित करण्यात येते. मात्र, अंतिम गुणवत्ता यादीत काही विद्यार्थ्यांचे गुण वाढविण्यात आले. याच आधारावर त्यांचा महाविद्यालयात प्रवेश करण्यात आल्याचे निदर्शनास आले. विशेष म्हणजे चार वर्षांत 99.99 परर्सेंटाईल गुण आजपर्यंत मिळाले नसताना, या विद्यार्थ्यांना गुणवत्ता यादीत 99.99 परर्सेंटाईल मिळालेच कसे हा प्रश्‍न समोर आला. प्रकरण लक्षात येताच सीईटी सेलचे अध्यक्ष आनंद रायते यांना मिळालेल्या तक्रारीच्या आधारावर त्यांनी 134 विद्यार्थ्यांना कारणे दाखवा नोटीस बजाविली. या 134 विद्यार्थ्यांची चौकशी सुरू असून ती चौकशी पूर्ण झाल्यावर त्यातील दोषी विद्यार्थ्यांसह प्रवेश देणाऱ्यासह महाविद्यालयांवर फौजदारी कारवाई करण्यात येणार आहे. त्यामुळे ती कारवाई होतपर्यंत प्रवेश प्रक्रिया बंद ठेवण्यात येणार आहे. यानंतर नवी यादी तयार करून त्याद्वारे प्रवेश देण्यात येणार असल्याचे सहसंचालक डॉ. महाजन यांनी सांगितले.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: The second entry round of the MBA was stopped