टायर फुटून बस उलटली; 19 प्रवासी जखमी 

अमरावती : अमरावती ते नागपूर महामार्गावर हॉटेल वाटिकासमोर खासगी वाहतूक कंपनीची बस उलटली. या अपघातात 19 प्रवासी जखमी झाले. ही घटना आज, बुधवारी पहाटे दोन ते अडीच वाजताच्या सुमारास घडली. 
मंगळवारी (ता.22) दुपारी धुळे येथून रॉयल ट्रॅव्हल्स कंपनीची खासगी बस (एमएच 40-0997) नागपूरला जाण्यासाठी निघाली. बुधवारी पहाटे अडीच वाजताच्या सुमारास अमरावती- नागपूर महामार्गावर नांदगावपेठ हद्दीत बसचा समोरील एक टायर फुटला. यामुळे चालकाचे नियंत्रण सुटून बस उलटली. यात 19 प्रवासी किरकोळ जखमी झाले. श्रुती जोशी, स्नेहल वानखडे, नम्रता लाड, नेतल घोवरे, सिद्धार्थ शर्मा, मनसुरी (सर्व रा. जळगाव), शेख ताबीज (रा. मलकापूर), गुलफाम अली कुरेशी (रा. धुळे), अजाब मस्त्रे (रा. कळमेश्वर), गौतम गवई, सुमित मोकासे (दोघेही रा. अकोला), गायत्री माथने, राजेश झुनके, गणेश उईके, ऋषिकेश गुडदे, संजय पाटील, अक्षय बागडे, सरफराज खान, भूपेंद्र ठाकूर, हनिफ हमीद (सर्व रा. नागपूर) अशी जखमींची नावे आहेत. नांदगावपेठ पोलिसांनी अपघातस्थळी धाव घेऊन जखमींना रुग्णालयात दाखल केले. स्थानिक नागरिकांनी प्रवाशांना बाहेर काढण्यासाठी मदत केली. पोलिसांनी बस चालकाविरुद्ध गुन्हा दाखल केला आहे.