संशयित व्यक्ती गाडी घेऊन बसस्थानक परिसरात होता फिरत; पोलिसांना कळताच धक्कदायक सत्य आलं समोर

वर्धा : सकाळी नऊ वाजताच्या सुमारास गस्त सुरू असताना एक व्यक्‍ती मोपोड गाडी घेऊन संशयित रीत्या फिरत असल्याची माहिती पोलिसांना मिळाली. त्याला ताब्यात घेत विचारपूस केली असता त्याचे नाव अमोल सगने असे असल्याचे सांगितले. 

हेही वाचा - खासदार नवनीत राणा संतापल्या: 'त्या' ठाणेदार...

येथील बसस्थानक परिसरात संशयित रीत्या फिरत असलेल्या युवकाला ताब्यात घेतले. त्याची चैकशी केली असता अट्टल गुन्हेगार असल्याचे पुढे आले. त्याच्याजवळून बुट्टीबोरी पोलिस ठाण्याच्या हद्दीतून जप्त करण्यात आलेली दुचाकी जप्त करण्यात आली आहे.

अमोल नामदेव सगने, (वय 33) रा. लालपोल आजादनगर कोर्ट रोड मु.पो. परतवाडा ता. अचलपूर जि. अमरावती असे या आरोपीचे नाव असल्याची माहिती पोलिसांनी दिली. त्याच्याजवळ असलेली एम.एच. 40 एएफ 0130 क्रमांकाची मोपेड बुटीबोरी येथून चोरल्याचे सांगितले. त्याला ताब्यात घेत बुट्टीबोरी पोलिस ठाण्यात माहिती दिली.

या आरोपीवर नागपूर, भुसावळ, अकोला, अमरावती, परतवाडा तसेच रेल्वे कायद्यांर्तगत बरेसचे गुन्हे दाखल असून सदर आरोपी हा खून तसेच चोऱ्याच्या गुन्ह्यामध्ये शिक्षा भोगलेला आहे. त्याला पुढील कार्यवाही करीता बुटीबोरी पोलिस स्टेशनचे ताब्यात देण्यात आले आहे

नक्की वाचा - ."साहेब, आठ दिवसांत कामावर घ्या अन्यथा आत्मदहन करू...

सदरची कार्यवाही पोलिस अधीक्षक प्रशांत होळकर, उपविभागीय पोलिस अधिकारी पीयूष जगताप यांच्या मार्गदर्शन व सूचनेप्रमाणे ठाणेदार सत्यवीर बंडीवार, डी.बी. चे पथकाने जमदार दिवाकर परीमल, सुभाष गावंड, पवन निलेकर यांनी सदर चोरट्याला ताब्यात घेतले.

संपादन - अथर्व महांकाळ