महिला अस्मितेच्या राज्यातील पहिल्या प्रयोगाला ‘ग्रहण’

sanitary pads.jpg
sanitary pads.jpg

अकोला : महिलांमध्ये उद्योजकता वाढवी यासाठी महिला बटत गटांच्या माध्यमातून सॅनिटरी नॅपकिन बनवून सदर नॅपकिन बाजारात विक्री करण्यासाठी जिल्हा परिषदेमार्फत यावर्षी ‘अस्मिता लाल योजना’ राबविण्यात येणार आहे. योजनेच्या प्रभावी अंमलबजावणीसाठी जिल्हा परिषदेने केलेले नियोजन फसल्यामुळे 14 पैकी अद्याप केवळ तीनच महिला बचत गटांना योजनेचा लाभ मिळाला आहे. बचत गटांच्या माध्यमातून सॅनिटरी पॅड बनवून महिलांना रोजगारक्षम बनवण्याच्या राज्यातील पहिल्या प्रयोगाचे नियोजन फसल्यामुळे योजनेचा लाभ सुद्धा रखडल्याचे दिसून येत आहे.

महिला बचत गटांना व्यवसायाच्या संधी सोबतच रोजगार मिळावा यासाठी जिल्हा परिषदेच्या महिला व बाल कल्याण विभागामार्फत प्रत्येक वर्षी विविध प्रकारच्या योजना राबविल्या जातात. संबंधित योजनांवर सेस फंडातील निधीतून लाखो रुपये सुद्धा खर्च करण्यात येतात, परंतु त्यानंतर सुद्धा महिलांना रोजगार मिळत नाही. ही बाब लक्षात घेवून आर्थिक वर्ष 2019-20 मध्ये जिल्हा परिषदेच्या महिला व बाल कल्याण विभागामार्फत ‘अस्मिता लाल योजना’ राबविण्यात येत आहे.

योजनेअंतर्गत लाभ देण्यासाठी प्रत्येक तालुक्यातून दोन याप्रमाणे सात तालुक्यातून 14 बचत गटांची लकी ड्रॉ (ईश्वर चिट्ठी) पद्धतीने निवड सुद्धा करण्यात आली आहे. सदर बचत गटांना सॅनिटरी नॅपकिन बनविण्याची मशीन विकत घेण्यासाठी 1.20 लाख रुपये सब्सिडी व मशीन खरेदीसाठी बॅंकेकडून अर्थसहाय्य देण्यात येत आहे. असे असल्यानंतर सुद्धा जिल्ह्यात अद्याप केवळ तीनच हिला बचत गटांना योजनेचा लाभ मिळाला आहे. त्यामुळे जिल्हा परिषदेच्या महत्वाकांक्षी योजनेचे नियोजन फसल्याचे दिसून येत आहे.

चार हजार पॅड निर्मितीचे उद्दीष्ट हवेत!
‘अस्मिता लाल योजने’अंतर्गत प्रत्येक महिला बचत गट प्रत्येक तासाला किमान पाचशे सॅनिटरी नॅपकिन बनवू शकेल. या प्रमाणे एका दिवशी चार हजार नॅपकिनची निर्मिती करण्याचे उद्दीष्ट जिल्हा परिषदेने निश्‍चित केले होते. सदर नॅपकिनची महिला बचत गटांच्या माध्यमातूनच विक्री करण्याचे ठरवले होते. परंतु कोलमडलेल्या नियोजनाचा ‘पॅड’ निर्मितीला सुद्धा फटका बसत आहे.

14 पैकी केवळ तीनच गट लाभार्थी
अस्मिता लाल योजनेअंतर्गत बाळापूर तालुक्यातील योगीराज महिला बचत गट व्याळा, श्री स्वामी समर्थ महिला बचत गट, व्याळा व अकोट तालुक्यातील करूणा महिला बचत गट, पणज यांनाच योजनाचा लाभ मिळाला आहे. तर इतर तालुक्यातील 12 बचत गटांची निवड करून सुद्धा त्यांना योजनेचा लाभ मिळाला नसल्याचे वास्तव आहे. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com