गळफास लावून युवा शेतकऱ्याची आत्महत्या 

दर्यापूर (जि. अमरावती) - शहरातील जयस्तंभ चौकातील सेंट्रल बॅंकेसमोरील खुल्या जागेत एका टिनाच्या शेडमध्ये युवा शेतकऱ्याने मंगळवारी (ता. २४) गळफास लावून आत्महत्या केली. विकास बाळकृष्ण तायडे (वय ३३, रा. कौलखेड), असे मृत युवकाचे नाव आहे. एका नातेवाइकाच्या लग्नसमारंभासाठी विकास तायडे गावात आला होता; मात्र तो विमनस्क अवस्थेत बनोसा मार्केटमध्ये फिरताना दिसला. तेथीलच एका दुकानातून त्याने दोरी विकत घेतली आणि त्याच दोरीने गळफास लावला. त्याच्याकडे पाच एकर शेती असून अंगावर कर्ज असल्याचे समजते. या विवंचनेतूनच त्याने गळफास घेतला असावा, असा अंदाज आहे. पोलिस उपनिरीक्षक नंदलाल निंघोट यांनी पंचनामा केला.