अनिरुद्ध संकपाळ
ऑस्ट्रेलियात येत्या 16 ऑक्टोबरपासून टी 20 वर्ल्डकप सुरू होत आहे. अनेक संघांनी आपला वर्ल्डकपसाठीच्या संघाची घोषणा देखीले केली. मात्र भारताचा टी 20 वर्ल्डकपसाठीचा संघ अजून जाहीर व्हायचाय.
दरम्यान, भारतीय संघातून काही खेळाडूंना डच्चू मिळण्याची शक्यता आहे. अशा 5 खेळाडूंची यादी पुढील प्रमाणे.
Ravi Bishnoi : रवी बिश्नोईने भारताकडून 10 टी 20 सामने खेळले आहेत. त्यात त्याने 16 विकेट्स घेतल्या आहेत. मात्र ऑस्ट्रेलियातील खेळपट्ट्या पाहता युझवेंद्र चहल ही निवडसमितीची पहिली पसंती असले. त्यामुळे त्याला संघात स्थान मिळण्याची शक्यता नाही.
Ishan Kishan : भारताचा धडाकेबाज फलंदाज ज्याने 14 सामन्यात 430 धावा केल्या आहेत अशा इशान किशनला देखील वर्ल्डकप संघात स्थान मिळण्याची शक्यता नाही. कारण संघात ऋषभ पंत आणि दिनेश कार्तिक हे दोन विकेटकिपर आधीपासूनच संघात आहेत.
Deepak Chahar : दीपक चहरने आपले अष्टपैलूत्व सिद्ध करून दाखवले. तो नुकताच दुखापतीतून सावरला आहे. मात्र याचबरोबर जसप्रीत बुमराह आणि हर्षल पटेल देखील फिट झाले असून दीपक चहरच्या संघातील समावेशाबाबत अनिश्चितता निर्माण झाली आहे.
Shardul Thakur : अष्टपैलू खेळाडू शार्दुल ठाकूर 25 सामन्यात 33 विकेट घेतल्या आहेत. मात्र त्याला फेब्रुवारीपासून भारतीय संघात खेळण्याची संधी मिळालेली नाही. त्याने आपल्या शेवटच्या सामन्यात देखील 2 विकेट घेतल्या होत्या. मात्र वर्ल्डकप संघात त्याचा समावेश होईल असे दिसत नाही.
Shreyas Iyer : श्रेयस अय्यरने यावर्षी टी 20 क्रिकेटमध्ये भारताकूडन चांगली कामगिरी केली आहे. त्याने 14 सामन्यात 45 च्या सरासरी आणि 143 च्या स्ट्राईक रेटने 449 धावा केल्या आहेत. तरी देखील त्याला आशिया कपसाठीच्या संघात स्थान मिळाले नाही. त्यामुळे वर्ल्डकप संघात देखील त्याचा समावेश होणे अवघड आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.