CET च्या परिक्षेला कालपासून सुरुवात झाली आहे.
या परीक्षेतील ‘पीसीएम ग्रुप’ची परीक्षा नऊ ते १४ मेदरम्यान आणि ‘पीसीबी ग्रुप’ची परीक्षा १५ ते २० मे या कालावधीत होणार आहे.
मंगळवारी सकाळपासूनच विद्यार्थ्यांसह पालकांचीही परीक्षा केंद्रांवर गर्दी पाहायला मिळाली.
अनेक महिन्यांपासून विद्यार्थी या परीक्षेची तयारी करतात.
त्यामुळे विद्यार्थ्यांसह पालकांवरही ताण असतो. परीक्षेसाठी जाताना आवश्यक त्या गोष्टींचे नियोजन आतापासूनच करायला हवे.
परीक्षेसाठी पहिली महत्त्वाची गोष्ट म्हणजे प्रवेशपत्र.
उमेदवारांनी प्रवेशपत्र अभ्यासक्रमाच्या संकेतस्थळावरून डाऊनलोड करून त्याची प्रिंट काढून घ्यावी.
प्रवेशपत्र, आवश्यक लेखन साहित्य आणि पाण्याची बॉटल जवळ ठेवा
प्रवेशपत्रावरून परीक्षेची तारीख, वेळ, केंद्राचा पत्ता आदी काळजीपूर्वक पाहावे
परीक्षा केंद्राचे मुख्यद्वार बंद होण्याच्या वेळेपूर्वी पोचण्याचे नियोजन करावे
पॅनकार्ड, आधारकार्ड, पासपोर्ट आदी ओळखपत्र सोबत ठेवावीत
दिव्यांग उमेदवारांनी त्यांच्या अपंगत्वाबाबतचे मूळ ओळखपत्र सोबत ठेवावे
प्रवेशपत्रावरील सूचनांचे वाचन करून त्याप्रमाणे पालन करावे