हिंदू धर्मात गुढीपाडव्याला विशेष महत्व आहे.
असं म्हणतात घरात गुढी उभारल्याने घरातली नकारात्मक उर्जा निघून जाते.
हा सण वसंत ऋतूची सुरुवात सुद्धा मानला जातो. याला कापणीचा सणही म्हणतात.
हा सण संवत्सर पाडो, उगादी, चेती, नवरेह, साजिबू नोंगमा पनबा चिरोबा इत्यादी नावांनी ओळखला जातो.
हा साडेतीन मुहूर्तांपैकी एक मुहूर्त मानला जातो. त्यामुळे यादिवशी नवीन वस्तू, सोनं, घर, गाडी खरेदी करणं शुभ मानलं जातं.
या दिवसापासून हिंदू नववर्षाची सुरुवात होते आणि चैत्र महिन्याच्या पहिल्या दिवशी हा सण साजरा केला जातो.
गुढीपाडवा हा सणासुदीच्या आनंदासोबतच मालमत्ता किंवा नवीन घर खरेदी करण्याचा शुभ काळ मानला जातो.
या दिवशी मुहूर्तावर घरासमोर गुढी उभारणं फार महत्वाचं समजलं जातं.
गुढी पाडवा पूजा मुहूर्त - सकाळी 06:29 ते 07:39 (22 मार्च 2023)