‘तितली’ नावाची एक अनोखी प्रेमकथा स्टारप्लस त्यांच्या प्रेक्षकांसाठी घेऊन येत आहे.
'तितली’ या मालिकेतून नेहा सोलंकी हा एक नवा चेहरा प्रेक्षकांच्या भेटीला येत आहे.
तितली ही एक वेधक प्रेमकथा आहे, ज्यामध्ये तितली नावाची आनंदी, नटखट मुलगी तिच्या स्वप्नांचा राजकुमार शोधत आहे.
करीना कपूर खानच्या ‘जब वी मेट’ चित्रपटातील गीत या पात्राशी लाखो तरुणी जोडल्या गेल्या आहेत.
त्याचप्रमाणे स्टार प्लसच्या आगामी ‘तितली’ या मालिकेत नेहा सोलंकी साकारत असलेले तितली ही व्यक्तिरेखासुद्धा ‘गीत’सारखी आहे.
तितलीचे पात्र खूप रंगीबेरंगी आहे. गीत आणि तितली दोघेही त्यांच्या परिपूर्ण जीवनसाथीच्या शोधात आहेत.
तितलीचे पात्र साकारण्यासाठी नेहा सोलंकी खूप उत्सुक आहे.
तितली ही मालिका ६ जूनपासून स्टार प्लसवर रात्री ११ वाजता पाहता येईल.