राज्याला गारपिटीचा तडाखा बसला असून अवकाळी पावसामुळे शेतीचं मोठ्या प्रमाणावर नुकसान झालं आहे
हवामान विभागाने वर्तवलेल्या अंदाजानुसार राज्यातील अनेक भागांमध्ये आज वादळी वाऱ्यासह गारपीट झाली
प्राथमिक माहितीनुसार राज्यातील नऊ जिल्ह्यांना गारपिटीची तडाखा बसला आहेम
मराठवाडा, विदर्भ आणि पश्चिम महाराष्ट्रातील काही जिल्ह्यांचा समावेश आहे
मार्च महिन्याच्या पहिल्या आठवड्यातदेखील वादळी वाऱ्यामुळे शेतीचं मोठ्या प्रमाणावर नुकसान झालं होतं
बीड, उस्मानाबाद, सोलापूर, जालना, धुळे, नाशिक, नंदूरबार, परभणी जिल्ह्यामध्ये आज गारपिटीसह पाऊस झाला
बीड जिल्हा आणि परिसरातील हे फोटो आहेत
द्राक्ष, डाळिंब, संत्रा, आंबा, केळी, काजू या पिकांना गारपीट आणि अवकाळी पावसाचा फटका बसला आहे
काढणीस आलेलं पीक, कांदा आणि फळबागांचं मोठ्या प्रमाणावर नुकसान झालंय
महाराष्ट्रात १ जून ते ३० सप्टेंबर या काळात मॉन्सूनचा ८० ते ८५ टक्के पाऊस पडतो
उर्वरित १५ ते २० टक्के पाऊस ऑक्टोबर ते मे या काळात पडत असतो
कधी कधी अन्य ऋतूंमध्येही अशी काही वातावरणीय परिस्थिती निर्माण होते, की या समुद्रावरचे वारे महाराष्ट्रावर बाष्प घेऊन येतात
उत्तरेकडून येणाऱ्या थंड-कोरड्या वाऱ्यांना भिडतात. त्यामुळे राज्यात पाऊस पडतो.