सकाळ डिजिटल टीम
सातारा : नाशिक पदवीधर विधानसभा मतदारसंघाचे आमदार सत्यजित तांबे यांनी नुकतीच खासदार उदयनराजे भोसले यांची शासकीय विश्रामगृहात सदिच्छा भेट घेतली.
या वेळी उदयनराजेंनी आमदार तांबे यांच्या गळ्यात शाल घालताना शालीचा एक कोपरा तांबे यांच्या गळ्याभोवती आवळत मिस्कीलपणे म्हणाले, ‘‘पदवीधरच्या निवडणुकीत असाच सगळ्यांनी त्रास दिला ना.’’ यावर एकच हश्या पिकला.
नाशिक पदवीधर मतदारसंघाचे आमदार सत्यजित तांबे हे सोमवारी कोल्हापूर दौऱ्यावर होते.
कोल्हापूरला जाताना तांबे यांनी विलासपूर येथील उद्योजक व खासदार उदयनराजे भोसले यांचे समर्थक संग्राम बर्गे यांची सदिच्छा भेट घेतली.
त्यानंतर सत्यजित तांबे यांनी येथील शासकीय विश्रामगृहावर खासदार उदयनराजे भोसले यांची सदिच्छा भेट घेतली.
नवनिर्वाचित आमदार तांबे यांचा उदयनराजे यांनी शाल व पुष्पगुच्छ देऊन सत्कार केला.
मात्र, शाल घालताना उदयनराजे यांनी शालीचा एक कोपरा तांबे यांच्या गळ्याभोवती आवळत मिस्कीलपणे पदवीधरच्या निवडणुकीत असाच सगळ्यांना त्रास दिला ना, अशी टिप्पणी केली. (फोटो : प्रमोद इंगळे)
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.