नातीनेच केली 'बच्चन' कुटुंबाची पोलखोल

अमिताभ बच्चन यांच्या मुलीची मुलगी, म्हणजे श्वेता नंदाची मुलगी नव्या नवेली तिच्या मनोरंजन सृष्टीतील एन्ट्रीमुळे भलतीच चर्चेत आहे.

तसं पाहिलं तर आजोळचं घराणं फिल्म इंडस्ट्रीतलं मोठं घराणं असूनही नव्यानं मात्र बिझनेसमध्ये करिअर करायचं ठरवलं आणि तिला यशही मिळत आहे.

आता नव्यानं मनोरंजन सृष्टीत एन्ट्री केली आहे,ज्याची जोरदार चर्चा रंगली आहे. नव्याचा नवा पॉडकास्ट शो भेटीस येत आहे.

नव्याच्या या पॉडकास्ट शो चे नाव आहे,'व्हॉट द हेल नव्या'. आणि या शो च्या पहिल्या गेस्ट आहेत तिची स्वतःची आई श्वेता नंदा आणि आजी जया बच्चन.

नव्याच्या या पॉडकास्ट शो चा प्रोमो तिनं सोशल मीडियावर शेअर केला आहे. तिनं या पोस्टला कॅप्शन देत लिहिलं आहे की,'३ महिला,३ पिढ्या आणि ३ वेगवेगळ्या पद्धतीची विचारसरणी'.

नव्यानं शेअर केलेल्या या प्रोमोत सांगितलं गेलं आहे की बच्चन कुटुंबाविषयी माहीत नसलेल्या बऱ्याच गोष्टी यातून समोर येणार आहेत.

करण जोहरपासून अनेक सेलिब्रिटींनी यावर प्रतिक्रिया नोंदवल्या आहेत. हा पॉडकास्ट शो २४ सप्टेंबरपासून प्रत्येक शनिवारी रिलीज केला जाणार आहे.