आज पंतप्रधान नरेंद्र मोदी यांच्या हस्ते नव्या संसद भवनाचे उद्घाटन झाले.
या इमारतीसमोरच भारतीय महिला कुस्तीपटू आंदोलन करणार होत्या. त्यांनी नव्या संसद भवनाच्या समोर महिलांची महापंचायत भरवण्याचा निर्णय घेतला होता.
मात्र त्यापूर्वीच कुस्तीपटू आणि त्यांच्या समर्थकांना दिल्ली पोलिसांनी अटक केली.
याबद्दल साक्षी म्हणाली, आमचे पंतप्रधान नवीन संसद भवनाचे उद्घाटन करत आहेत. मात्र दुसरीकडे आमच्या समर्थकांना अटक केली जात आहे. लोकांना अटक करून आपण कसं काय म्हणू शकतो की ही लोकशाहीची जननी आहे. भारताच्या कन्या वेदनेत आहेत.'
'जंतर मंतरवर लोकशाहीची दिवसा ढवळ्या हत्या झाली आहे. एका बाजूला पंतप्रधान नवीन संसद भवनाचे उद्घाटन करत आहेत. दुसरीकडे लोकांना अटक केली जात आहे.'
महिला कुस्तीपटूंनी भारतीय कुस्ती महासंघाचे अध्यक्ष बृजभूषण शरण सिंह यांच्यावर लैंगिक अत्याचाराचे आरोप करत त्यांना अटक करण्याची मागणी केली आहे.