ओटीटी प्लॅटफॉर्मवरील ‘असुर’ या वेबसीरिजची चांगलीच चर्चा रंगली होती.
सुरुवातीला या सीरिजला प्रतिसाद कमी होता; पण नंतर ही ती प्रेक्षकांनी चांगलीच डोक्यावर घेतली.
अर्शद वारसी आणि बरुण सोबती या दोन्ही अभिनेत्यांच्या कामाची प्रचंड प्रशंसा झाली.
लवकरच ‘असुर’चा सीझन २ प्रेक्षकांच्या भेटीला येणार आहे.
‘असुर’चा पहिला सीझन ‘वूट’ या ओटीटी प्लॅटफॉर्मवर प्रदर्शित झाला होता.
पुढील सीझन मात्र ‘जिओ सिनेमा’ ओटीटी प्लॅटफॉर्मवर येणार आहे.
जिओने एका व्हिडीओमधून येणाऱ्या बऱ्याच वेबसीरिज आणि चित्रपटांबद्दल माहिती दिली. त्‍यात ‘असुर २’ चा देखील समावेश आहे.
या वेबसीरिजमध्ये अर्शद वारसी, वरुण सोबती, रिद्धी डोग्रा, आणि अनुप्रिया गोएंका हे कलाकार मुख्य भूमिकांमध्ये दिसणार आहेत.