राजकारण गाजवणाऱ्या भावा-बहिणींच्या जोड्या

भावा-बहिणींसाठी रक्षाबंधन हा सण त्यांचं नातं दृढ करणारा असतो.

उद्या म्हणजे ११ ऑगस्ट रोजी रक्षाबंधन आहे. या सणानिमित्त जाणून घ्या, राजकारणातल्या भावा बहिणींच्या जोड्या...

भारतीय राजकारणात सक्रीय असणारी एक महत्त्वाची बहिण भावाची जोडी म्हणजे राहुल गांधी आणि प्रियंका गांधी. ही दोन्ही देशाचे माजी पंतप्रधान राजीव गांधींची मुलं आहेत.

सिंधिया कुटुंबातील माधवराव, यशोधरा आणि वसुंधरा राजे ही ग्वाल्हेरच्या शेवटच्या शासकाची मुले. मात्र, तिघांनी वेगवेगळे मार्ग निवडले. माधवरावांनी काँग्रेसमध्ये प्रवेश केला, तर यशोधरा आणि वसुंधरा या बहिणींनी भाजपची निवड केली. माधवराव २००१ मध्ये एका कार अपघातात मरण पावले.

राहुल आणि प्रियांका यांच्या तुलनेत ओमर अब्दुल्ला आणि बहीण सारा पायलट ही भारतीय राजकारणातील आणखी एक प्रसिद्ध भाऊ-बहिणीची जोडी आहे. जम्मू आणि काश्मीरच्या प्रतिष्ठित अब्दुल्ला घराण्याशी हे संबंधित आहेत.

ही जोडी स्वातंत्र्यपूर्व काळातील आहे. जवाहरलाल नेहरू आणि त्यांची बहीण विजय लक्ष्मी पंडित दोघेही लहानपणापासूनच राजकारणात सक्रियपणे सहभागी झाले होते आणि त्यांनी विविध मार्गांनी देशाला आकार दिला. नेहरू भारताचे पहिले पंतप्रधान बनले असताना, पंडित या स्वतंत्र भारतात मंत्रिमंडळ पदावर असणारी पहिली महिला म्हणून ओळखल्या जातात.

पंकजा मुंडे आणि धनंजय मुंडे ही चुलत भावंडं आहेत. महाराष्ट्राच्या राजकारणात दोघांचंही चांगलंच वजन आहे. या दोघांमध्ये वारंवार खटके उडत असतात, मात्र प्रसंगी एकमेकांसाठी भावूकही होतात.

सुप्रिया सुळे अजित पवार हीसुद्धा चुलत भावंडं आहेत. राष्ट्रवादी काँग्रेसचे अध्यक्ष शरद पवार यांचं बोट धरून हे दोघेही राजकारणात आले आणि आता राज्याच्या राजकारणाचा एक अविभाज्य भाग ठरले आहेत.