मेकअप-बिकअप : डोळे आकर्षक बनण्यासाठी...

डोळे हा आपला अतिशय महत्त्वाचा अवयव. त्यांचं सौंदर्य खुललं की संपूर्ण चेहरा खुलतो. डोळ्यांच्या मेकअपसाठी काही साध्यासोप्या टिप्स आपण बघू या.

• डोळे लहान असले, तर पापण्या कर्ल करून घ्या. त्यामुळे डोळे मोठे दिसतील आणि त्यांचा लूकही बदलून जाईल.

• पापण्यांवर प्रायमर लावण्यापूर्वी त्या स्वच्छ असतील असे बघा.

• मस्कारा लावताना दोन वेगवेगळ्या प्रकारच्या मस्काऱ्यांचा वापर करा. एक पापण्यांच्या केसांची जाडी वाढवण्यासाठी आणि दुसरा त्यांची लांबी ठळकपणे दिसण्यासाठी.

• डोळ्यांच्या रंगांनुसार परफेक्ट आयलायनर निवडा. हा रंग चुकला, तर संपूर्ण मेकअप चुकू शकतो.

• आयब्रोज करताना तुमचं व्यक्तिमत्त्व लक्षात घ्या. भुवयांचा आकार तुमचं व्यक्तिमत्त्व कशा प्रकारचं आहे हे निश्चित करत असतो.