Konkan: रत्नागिरीतील आरे वारे समुद्रकिनारा - निसर्गाने बहाल केलेला खजिना!

आरे वारे समुद्र किनारा

कोकणातील रत्नागिरी जिल्ह्यातील गणपतीपुळे जवळ आरे वारे समुद्र किनारा आहे. या समुद्रकिनाऱ्यावर मिळणारी शांतता न विसरण्यासारखी आहे.

डोंगराने विभागलेले दोन किनारे

येथे डोंगराने विभागलेले आरे आणि वारे हे दोन किनारे, नेत्रदीपक सूर्यास्त आणि निवांत वातावरण अनुभवायला मिळते.

शांत, संयमी लाटा अन् स्वच्छ वाळू

या समुद्रकिनाऱ्यांवरील शांत आणि संयमी लाटा, स्वच्छ वाळू तुम्हाला शारीरिक आणि मानसिक दृष्ट्या ताजेतवान करतात.

शांतता

गणपतीपुळे आणि रत्नागिरीपासून काहीच अंतरावर असलेला आरे वारे समुद्र किनारा फेरफटका मारण्यासाठी, शांततेसाठी आणि निसर्गाच्या सानिध्यात फोटो काढण्यासाठी अगदी योग्य ठिकाण आहे.

‘ओव्हर द सी’ झिपलाइन

ज्यांना साहसी खेळ आवडतात, त्यांच्यासाठी ‘ओव्हर द सी’ झिपलाइन देखील आहे. ही झिपलाईन पक्ष्यासारखं समुद्रावर उडण्याची आणि अथांग निळाशार समुद्र सौंदर्य पाहण्याचा अनुभव देते.

कसे जाल?

रत्नागिरी शहरापासून हा समुद्रकिनारा जवळच असून टॅक्सी किंवा खाजगी गाडीने येथे जाता येते. तसेच गणपतीपुळ्याहून तर ८ ते ११ किमी अंतरावरच असून या समुद्रकिनाऱ्यावर रिक्षा किंवा टॅक्सीने जाऊ शकतो.

सुचनांचे करा पालन

दरम्यान, या भागात गर्दी कमी असली तरी पर्यटकांनी पाण्यात उतरताना सुचनांचे पालन करणे महत्त्वाचे आहे. सुरक्षेच्या दृष्टीने वारे बीच अधिक योग्य आहे.

गणपतीपुळे

आरे वारे समुद्रकिनाऱ्याला भेट देणार असाल, तर गणपतीपुळे येथील प्रसिद्ध मंदिरालाही भेट देऊन आशीर्वाद घेता येतो.

Diveagar: सुवर्ण गणेश मंदिर अन् सुरक्षित समुद्रकिनारा! सुट्टीत फिरण्यासाठी परफेक्ट ठिकाण