Diveagar: सुवर्ण गणेश मंदिर अन् सुरक्षित समुद्रकिनारा! सुट्टीत फिरण्यासाठी परफेक्ट ठिकाण

दिवेआगर

रायगड जिल्ह्यातील श्रीवर्धन तालुक्यामधील दिवेआगर हे लोकप्रिय पर्यटनस्थळ आहे. दिवेआगरचा इतिहासही प्राचीन आहे.

बाराही महिने गर्दी

दिवेआगर हे एक संपन्न गाव आहे. येथील सुरक्षित आणि शांत समुद्रकिनारा पर्यटकांना आकर्षित करतो. त्यामुळे येथे बाराही महिने गर्दी दिसून येते.

सुवर्ण गणपती मंदिर

दिवेआगरमधील सुवर्ण गणपती मंदिरही प्रसिद्ध आहे. त्याचा इतिहासही रंजक आहे.

इतिहास

जमिनीखाली मंदिराजवळील नारळाच्या बागेत सापडलेल्या तांब्याच्या पेटीत सोन्याची गणपती मुर्ती आणि दागिने होते.

सोन्याची गणपती मुर्ती

सुवर्ण गणेश ही तीच मुर्ती आहे. या मुर्तीचे वजन साधारण एक किलोपेक्षा जास्त आहे. ही गणपतीची मुर्ती ३०० ते ४०० वर्षे जुनी असल्याचे अंदाज आहेत.

दिवेआगरमधील इतर प्रसिद्ध मंदिरं

दिवेआगरमध्ये रुपनाराण हे विष्णूचे मंदिरही पाहण्यासारखे आहे. तसेच शंकराचे उत्तरेश्वर हे देखील एक मंदिर आहे.

अथांग समुद्रकिनारा

दिवेआगरला ४ ते ५ किमी समुद्रकिनारा लाभला आहे. येथील निसर्गसौदर्यही मन मोहून टाकणारे आहे. किनाऱ्यावर सुरू, केवडा अन् पोफळीची बने आहेत.

मासळी बाजार

मासे खवय्यांसाठी भरडखोल आदगाव, दिधी या ठिकाणी मासळी बाजार भरतो.

प्रवासाची सोय

दिवेआगरला खासगी वाहनाने किंवा एसटीनेही जाता येते. जवळचे रेल्वेस्थानक माणगाव असून जवळचे बसस्थानक श्रीवर्धन आहे.

पर्यटनासाठी गर्दी

उन्हाळ्यात किंवा सुट्टीच्या काळात येथे पर्यटनासाठी गर्दी होते, त्यामुळे आगाऊ बुकिंग करणे सोयीचे ठरते.

Konkan: पापं धुऊन काढणारा 'धूतपापेश्वर, रत्नागिरीतील एक निसर्गरम्य ठिकाण