वजन कमी करण्याचा मिताली श्रीवास्तवचा फिटनेस मंत्र

मिताली श्रीवास्तव

फिटनेस हा सर्वांसाठीच महत्त्वाचा आहे. अभिनेत्री मिताली श्रीवास्तव हिने सकाळ सोबत तिचा फिटनेस मंत्रा शेअर केला होता.

आनंददायी जीवनशैली

मिताली म्हणते, माझ्यासाठी फिटनेस ही केवळ शरीराची गोष्ट नाही, तर सकारात्मक, शिस्तबद्ध आणि आनंददायी जीवनशैली आहे.

फिटनेससाठी रोज प्रयत्न

तिने सांगितले ती दररोज योगासने आणि आठवड्यातून किमान तीन ते चार दिवस जीम करते. तसेच वेळ मिळेल, तसे टेनिस, पॅडल किंवा बॅडमिंटनसारखे खेळ आवर्जून खेळते.

दिवसाची सुरुवात व्यायामाने

मितालीने सांगितले, मी उपाशीपोटी ४५ मिनिटं कार्डिओ करते. त्यानंतर हायड्रेशनसाठी जिरे पाणी, लिंबूपाणी किंवा ॲपल सायडर व्हिनेगर पाणी घेते.

आहाराचे नियम

ती म्हणते दिवसातून दोनच वेळा जेवते, सकाळी व्यायामानंतर आणि सायंकाळी जीमनंतर. तसेच रात्री झोपण्याआधी गरम पाणी, ग्रीन टी किंवा पेपरमिंट टी घेते, ज्यामुळे चांगली झोप मिळते आणि पचन सुधारते.

वजन कमी करण्यासाठी

मिताली म्हणते मी नेहमी कॅलरी डिफिसिटमध्ये राहण्याचा प्रयत्न करते. म्हणजेच, जेवढे खाते त्यापेक्षा जास्त कॅलरी जाळते. कॅलरी जाळण्यासाठी व्यायाम, चालणे, योगासने किंवा खेळ खेळते. यामुळे वजन नियंत्रित राहते आणि शरीरही तंदुरुस्त राहते.

घरचं जेवण

आहाराच्या बाबतीत माझ्या शरीराला सगळ्यात जास्त फायदेशीर घरचे अन्न वाटल्याचे ती सांगते. भाकरी, भाजी आणि कधीमधी मोजून घेतलेला ५० ग्रॅम भात. तसेच जेवणापूर्वी भरपूर काकडी खाते, कारण कमी कॅलरीमध्ये पोट भरते आणि भूकही आटोक्यात राहते.

पोषणपूरक आहार

रोज सकाळी भोपळ्याच्या टरबुजाच्या बिया तीळ आवर्जून खात असल्याचेही तिने सांगितले. तसेच ‘क’ जीवनसत्त्वाचे सप्लिमेंट्स घेते, आणि फिश ऑईल, मल्टिव्हिटॅमिन्सचाही समावेश तिच्या आहारात असल्याचे तिने सांगितले.

चालण्याची सवय

दररोज किमान दहा हजार पावलं चालण्याचा प्रयत्न करत, असल्याचे तिने सांगितलं.

साधं, पण समजून खा

फास्ट फूड किंवा पकिटातले अन्न शक्यतो टाळावे. जेवणात काय आहे, हे स्वतःला समजणे खूप महत्त्वाचे असते. कारण शरीरात होणारा बदल तुम्ही खात असलेल्या गोष्टींवरच अवलंबून असतो.

शरीर म्हणजे मंदिर

ती नेहमी म्हणते, की आपल्या शरीराची काळजी घ्या; ‘शरीर म्हणजे मंदिर’. स्वच्छ खा, भरपूर पाणी प्या.

शिस्तबद्ध मार्ग

फिटनेसचा प्रवास क्लिष्ट करू नका. तो जितका साधा ठेवाल, तितकेच तुमचे शरीर मजबूत, सुंदर आणि सुरक्षित राहील, असंही मिताली सांगते.

चिडचिड होतेय, राग आला? चालायला जा, होतील 'हे' फायदे