Anuradha Vipat
घराघरांत लोकप्रिय झालेली अभिनेत्री स्पृहा जोशी नुकतीच हिंदी कलाविश्वातील एका वेबसीरिजमध्ये महत्त्वाच्या भूमिकेत झळकली आहे.
नाटक, मालिका, चित्रपट अशा तिन्ही माध्यमांमध्ये स्पृहाने आपल्या अभिनयाचा एक वेगळा ठसा उमटवला आहे.
स्पृहा जोशीने नुकत्याच प्रदर्शित झालेल्या ‘रणनीती’ या सीरिजमध्ये लहानशी पण लक्षवेधी भूमिका साकारली आहे.
यासंदर्भात स्पृहाने स्वत: पोस्ट शेअर करत माहिती दिली आहे.
जिमी शेलगिल आणि लारा दत्ता यांच्या प्रमुख भूमिका असलेली ‘रणनीती’ सीरिज बालाकोट एअरस्ट्राइकवर भाष्य करते आहे.
यावर आता फुलवा खामकर, अश्विनी कासार आणि खुद्द जिमीने पोस्टवर कमेंट करत स्पृहाला पुढील प्रवासासाठी शुभेच्छा दिल्या आहेत.