अहिल्यानगरचा अभिमान! शहाजीराजांच्या स्वराज्याचा साक्षीदार आहे 'हा' भव्य किल्ला

पेमगिरी किल्ला - एक ऐतिहासिक वारसा

अहिल्यानगर जिल्ह्यातील संगमनेर तालुक्यातील बाळेश्वर डोंगररांगेत पेमगिरी हा दुर्लक्षित पण अतिशय महत्त्वाचा ऐतिहासिक किल्ला वसलेला आहे.

शहाजीराजांच्या स्वराज्याचा पाया

निजामशाही वाचवण्यासाठी शहाजीराजे भोसले यांनी १६३३ ते १६३६ या काळात याच पेमगिरी किल्ल्यावरून ३ वर्षे स्वतंत्र राज्यकारभार चालवला होता.

किल्ल्याचे दुसरे नाव 'शाहगड'

शहाजीराजांच्या ऐतिहासिक वास्तव्यामुळे या किल्ल्याला 'शाहगड' असेही म्हटले जाते. स्वराज्याच्या सुरुवातीच्या प्रयत्नांचा हा किल्ला मूक साक्षीदार आहे.

प्राचीन पेमादेवी मंदिर

पेमगिरी किल्ला संगमनेर-अकोले रस्त्यावरील कळस गावाजवळ असून, येथे प्राचीन पेमादेवी मंदिर आहे, जे भाविकांचे श्रद्धास्थान आहे.

सर्वात मोठा वटवृक्ष?

पेमगिरी किल्ल्याच्या पायथ्याशी एक विशाल वटवृक्ष आहे. निसर्गप्रेमींसाठी हे एक मोठे आकर्षण असून या वडाचा विस्तार पाहून पर्यटक थक्क होतात.

यादवकालीन ऐतिहासिक अवशेष

हा किल्ला यादवकालीन मानला जातो. येथे पडक्या तटबंदीचे अवशेष, चोर दरवाजा आणि कोरडी पाण्याची टाकी आजही पाहायला मिळतात.

ट्रेकिंगसाठी उत्तम ठिकाण

पेमगिरी हा एक छोटा डोंगरी किल्ला असून ट्रेकर्ससाठी हे उत्तम डेस्टिनेशन आहे. किल्ल्याच्या माथ्यावरून अहिल्यानगरचा निसर्गरम्य नजारा दिसतो.

सुट्टीचा आनंद घ्या!

इतिहास, निसर्ग आणि शांतता यांचा अनुभव घ्यायचा असेल, तर या सुट्टीत पेमगिरी किल्ल्याला नक्की भेट द्या. अहिल्यानगरमधील हा लपलेला खजिना आवर्जून पहा.

मिळतात अँटिक वस्तू, पण नाव भाजीचं! मुंबईतील 'भेंडी बाजार'चं नाव कसं पडलं?