Monika Lonkar –Kumbhar
उन्हाळा सुरू झाला की, शरीर थंड ठेवण्यासाठी आपण लिंबू पाणी आवर्जून पितो. उन्हाळ्याच्या दिवसात जास्तीत थंड पेय पिण्यावर आपला भर असतो. मग ते पाणी असो की कोल्ड ड्रींक्स. पण, सर्वात गुणकारी पेय म्हणजे लिंबूपाणी.
आपल्या आरोग्यासाठी लिंबूपाणी अतिशय फायदेशीर आहे.
लिंबामध्ये व्हिटॅमिन सी मोठ्या प्रमाणात असते. जे प्राथमिक अँटिऑक्सिडेंट असून शरीरातील पेशींना मुक्त रॅडिकल्सपासून बचाव करण्यास मदत करतो. लिंबाचे इतर आरोग्यदायी फायदे आपण जाणून घेऊयात.
लिंबूपाण्याचे सेवन केल्याने आपले शरीर हायड्रेटेड राहण्यास मदत होते.
लिंबामध्ये आढळणारे पॉलिफेनॉल अँटीऑक्सिडंट वजन कमी करण्यात महत्त्वपूर्ण भूमिका बजावतात. ज्यांना वजन कमी करायचे आहे, त्या लोकांनी सकाळी रिकाम्या पोटी लिंबपाण्याचे अवश्य सेवन करावे.
काही लोकांना बद्धकोष्ठतेचा किंवा पचनाच्या समस्या भेडसावतात. अशा लोकांनी नियमितपणे सकाळी लिंबू पाणी प्यावे. यामुळे, तुमच्या पचनाच्या समस्या दूर होतील.
लिंबाच्या रसामध्ये सापडणारे आम्ल हे मुतखडा(किडनी स्टोन) रोखण्यास मदत करू शकते.