Sudesh
जगभरात कित्येक लोक अँड्रॉईड स्मार्टफोन वापरतात. या सर्वांसाठी धोक्याची बातमी आहे.
सायबर सिक्युरिटी तज्ज्ञांना नुकताच एक नवा मालवेअर मिळाला आहे.
एक्स लोडर असं नाव असलेला हा मालवेअर यूजर्सची सर्व माहिती अगदी शिताफीने चोरू शकतो.
यासोबतच हा मालवेअर एकदा स्मार्टफोनमध्ये शिरला, तर हॅकर्स याच्या मदतीने नवीन अॅप्स देखील फोनमध्ये इन्स्टॉल करू शकतात.
हा मालवेअर यूजर्सचे एसएमएस देखील वाचू शकतो, त्यामुळे मेसेजवर आलेले पासवर्ड आणि ओटीपी हॅकर्सना सहज मिळू शकतात.
हा मालवेअर कितीतरी फोनच्या सिक्युरिटी फायरवॉल ओलांडू शकत असल्यामुळे, खबरदारी घेणं गरजेचं आहे.
हा मालवेअर विविध अॅप्सच्या माध्यमातून फोनमध्ये शिरत होता. गुगलने असे अॅप्स काढून टाकले आहेत. मात्र, थर्ड पार्टी अॅप्समध्ये हा मालवेअर असू शकतो, असं गुगलने म्हटलं आहे.
यामुळे, कोणत्याही थर्ड पार्टी वेबसाईटवरुन नवीन अॅप्स घेऊ नका, किंवा संशयास्पद लिंक्सना क्लिक करू नका असं आवाहन गुगलने केलं आहे.