Yashwant Kshirsagar
तरुणाईमध्ये 'सेक्स स्टॅमिना' वाढवणाऱ्या औषधांची मागणी वाढतेय. पण ही औषधे फायद्याची आहेत की घातक ते जाणून घेऊया.
व्हायग्रा तर प्रसिद्ध आहे, पण आयुर्वेदिक नावाखाली अनेक औषधे बाजारात विकली जातात. डॉक्टर सांगतात, ही संख्या दिवसेंदिवस वाढतेय.
वजन वाढणे, डायबेटिस, बीपी, मानसिक ताण, हार्मोनल बिघाड हे सगळं एकत्रितपणे सेक्स क्षमतेवर परिणाम करतं.
३५-४० वयानंतर ही औषधे अपेक्षित असतात, पण अलीकडे २०-३० वयोगटातील तरुणांमध्येच यांचं जास्त सेवन केलं जातं.
'Top 10 सेक्स स्टॅमिना गोळ्या', 'Ayurvedic सेक्स पॉवर मेडिसिन' असे सर्च टर्म्स (शोध शब्द)... हजारो निकाल आणि हजारो रुपयांचे उत्पादन सहज उपलब्ध!
ना डॉक्टर, ना तपासणी, औषधे सहज खरेदी केली जातात. पण त्याचे दुष्परिणाम खूप आहेत
या गोळ्यांचे दुष्परिणाम थेट हृदयावर होतात. रक्तदाब वाढतो, हृदयाचे ठोके अनियमित होतात आणि अटॅकचा धोका वाढतो.
ही औषधे वय, आजार आणि वैयक्तिक प्रकृती बघूनच दिली जातात. चुकीचा डोस घेतला तर जीवाला धोका निर्माण होतो.
स्ट्रेस, चिंता, थकवा या मानसिक कारणांनी देखील स्तंभन दोष होतो. फक्त योग्य मार्गदर्शनाने हा त्रास दूर होतो.