Monika Lonkar –Kumbhar
मानसिक आणि शारिरीक आरोग्य उत्तम राखण्यासाठी आजकाल अनेक जण योगाचा अवलंब करतात.
शारिरीक हालचालींसोबतच संतुलित आहार देखील तितकाच महत्वाचा आहे.
योगासनांमध्ये विविध प्रकारच्या आसनांचा समावेश होतो. या आसनांपैकीच एक असलेले आसन म्हणजे उत्तानासन होय.
हे योगासन नियमित केल्याने शरीराला चांगला ताणा मिळतो आणि मेंदूला ऑक्सिजनचा पुरवठा होण्यास मदत होते.
उत्तानासन हे योगासन नियमितपणे केल्याने पाठदुखी अन् कंबरदुखीपासून आराम मिळण्यास मदत होते.
दररोज या योगासनाचा सराव केल्याने मेंदू मजबूत होतो. मन शांत राहते आणि तणाव दूर होण्यास मदत होते.
या योगासनाचा दररोज सराव केल्याने डोकेदुखी आणि निद्रानाशाच्या समस्येपासून ही आराम मिळतो. झोप चांगली लागते.