पांढरीशुभ्र वाळू अन् निळ्याशार पाणी... सिंधुदुर्गमधील भोगवे समुद्रकिनारा

स्वच्छ आणि आगळ्यावेगळा समुद्रकिनारा

कोकणातील स्वच्छ आणि आगळ्यावेगळ्या समुद्रकिनाऱ्यांमध्ये भोगवेचा समावेश होतो. सिंधुदुर्ग जिल्ह्यातील वेंगुर्ले तालुक्यातील भोगवे गावात हा समुद्रकिनारा आहे.

भोगवे गाव

देवबाग येथे समुद्राला जाऊन मिळणाऱ्या कर्ली नदीच्या मुखाशी भोगवे गाव आहे. येथील समुद्रकिनारा मन मोहून टाकणारा आहे.

भोगवे समुद्रकिनाऱ्याचे सौंदर्य

पांढरीशुभ्र वाळू आणि गडद निळ्या रंगाचे पाणी यामुळे या समुद्रकिनाऱ्याचे सौंदर्य आणखीच विलोभनीय दिसते. सुर्यास्तावेळी येथील या समुद्रकिनाऱ्याचे सौर्दर्य अधिकच खुलते.

पर्यटनासाठी उत्तम कालावधी

उन्हाळा आणि हिवाळ्यात, म्हणजेच साधारण जानेवारी ते मे दरम्यानचा कालावधी येथे पर्यटनासाठी उत्तम आहे.

समुद्रस्नानाचाही आनंद

समुद्रस्नानाचाही येथे आनंद घेता येतो, पण पर्यटकांनी सुचनांचे पालन करणेही महत्त्वाचे आहे.

'सायबाची काठी'

भोगवेजवळ डोंगरकिनाऱ्यावर 'सायबाची काठी' हे आणखी एक पर्यटन स्थळ आहे.

जवळचे स्थानके

भोगवेला जाण्यासाठी कुडाळ जवळचे रेल्वेस्थानक असून मालवण आणि वेंगुर्ले जवळचे बसस्थानक आहे. वेंगुर्ल्याहून बागायत मार्गे भोगवेला जाता येते.

निवासाची आणि भोजनाची व्यवस्था

भोगवेला जाण्यासाठी एसटी बस आहेत, पण त्या मर्यादीत आहेत, त्यामुळे खासगी वाहन असणे सोयीचे ठरते. भोगवेमध्ये पर्यटकांना निवासासाठी आणि भोजनासाठी पर्याय उपलब्ध आहेत.

सिंधुदुर्गमधील सर्वात मोठा 'धामापूर तलाव'; बोटिंगचाही घेता येतो आनंद