सकाळ डिजिटल टीम
कारलं हे आरोग्यासाठी गुणकारी समजलं जातं. मात्र, त्याच्या बियांचं नियमित किंवा जास्त प्रमाणात सेवन आरोग्यासाठी हानिकारक ठरू शकतं.
कारल्याच्या बियांमध्ये लेक्टिन नावाचा प्रथिनयुक्त घटक असतो. मोठ्या प्रमाणात घेतल्यास हे शरीरासाठी विषासारखं काम करतं. यामुळे पचनसंस्थेवर दुष्परिणाम होतो.
कारल्याच्या बिया पचायला कठीण असतात. त्यामुळे पोटदुखी, गॅस, मळमळ, उलट्या आणि अतिसार यासारख्या लक्षणांची शक्यता असते. ज्यांना आधीच पोटाच्या तक्रारी आहेत, त्यांनी या बिया टाळाव्यात.
कारल्याचा उपयोग रक्तातील साखर कमी करण्यासाठी केला जातो. मात्र, बियांमधील घटक हा परिणाम अधिक तीव्र करू शकतो. मधुमेहाच्या औषधांसोबत कारल्याच्या बिया घेतल्यास रक्तातील साखर धोकादायक पातळीपर्यंत खाली जाऊ शकते.
काही लोकांना कारल्याची किंवा त्याच्या बियांची अ‍ॅलर्जी असते. यामुळे खाज, पुरळ, श्वास घेण्यास त्रास किंवा सूज यांसारखी लक्षणं दिसू शकतात. अशा स्थितीत लगेच त्यांचं सेवन थांबवावं.
कारल्याच्या बिया काही औषधांचे परिणाम बदलू शकतात, विशेषतः मधुमेह व रक्तदाबावरच्या औषधांवर. तसेच गर्भवती महिलांनी यांचे सेवन टाळावे. यामुळे गर्भाशय आकुंचन पावू शकतं आणि गर्भपाताचा धोका निर्माण होतो.
जर कारल्याच्या बिया खायच्या असतील, तर कमी प्रमाणात आणि वैद्यकीय सल्ल्यानेच सेवन करा. औषधे घेत असल्यास, डॉक्टरांचा सल्ला आवश्यक आहे.