Aarti Badade
कोल्हापुरी स्वयंपाकघरातील खास पारंपरिक चव – नारळाच्या दुधात शिजवलेला, साजूक तुपात फोडणी दिलेला, स्वादिष्ट पांढरा रस्सा.
चिकन स्टॉक, नारळाचे दुध, काजू, बदाम, पांढरे तीळ, खसखस, हिरव्या मिरच्या, आलं-लसूण पेस्ट, जीरे, लवंग, हिरवी वेलची, मसाला वेलची, तमालपत्र, मिरी, स्टारफुल, जावेत्री, दालचिनीचे तुकडे, साजूक तुप, मीठ, कोथिंबीर
चिकन, आलं-लसूण पेस्ट, हळद व मीठ पाण्यात कुकरमध्ये ६-७ शिट्ट्या होईपर्यंत शिजवा. नंतर चिकन स्टॉक वेगळा ठेवा.
ओल्या नारळाचे दूध काढा. भिजवलेले काजू, बदाम, तीळ, खसखस यांची पेस्ट तयार ठेवा.
चिकन स्टॉकमध्ये नारळाचे दूध व पेस्ट मिसळा. साजूक तुपात जीरे व मसाले फोडणीला घ्या. मिरच्या, आलं-लसूण पेस्ट टाका. नंतर स्टॉक मिश्रण मिसळा.
मिश्रण एक उकळी येईपर्यंत शिजवा. चवीनुसार मीठ घाला. गॅस बंद करा आणि व्यवस्थित ढवळा.
गरमागरम पांढरा रस्सा वाटीत ओता, वरून कोथिंबीर भुरा, आणि चपाती, भाकरी किंवा भातासोबत सर्व्ह करा!