संध्याकाळी काहीतरी स्पेशल हवंय? बनवा चीज मिरची भजी

काहीतरी हटके आणि चविष्ट!

नेहमीची कांदा किंवा बटाटा भजी खाऊन कंटाळा आला असेल, तर या पावसाळी वातावरणात किंवा संध्याकाळच्या चहासोबत 'चीज मिरची भजी' हा एक उत्तम पर्याय आहे.

मुख्य साहित्य

यासाठी तुम्हाला लागतील मोठ्या भावनगरी मिरच्या, किसलेले चीज, आले-लसूण-मिरची पेस्ट, बेसन, ओवा, आमचूर पावडर, कोथिंबीर आणि तळण्यासाठी तेल.

मिरचीची तयारी

भावनगरी मिरच्या स्वच्छ धुवून मधून चिरा पाडून घ्या. सुरीच्या मदतीने त्यातील सर्व बिया काढून टाका, जेणेकरून मिरचीचा तिखटपणा कमी होईल.

चविष्ट 'चीज स्टफिंग'

एका बाऊलमध्ये किसलेले चीज, आले-लसूण-मिरची पेस्ट, मीठ आणि आमचूर पावडर एकत्र करा. हे मिश्रण मिरच्यांमध्ये व्यवस्थित दाबून भरा.

बेसनाचे बॅटर

बेसन पिठात ओवा, मीठ, कोथिंबीर आणि थोडे पाणी घालून जाडसर मिश्रण तयार करा. तळण्यापूर्वी त्यात चिमूटभर खाण्याचा सोडा घालून फेटून घ्या.

खमंग तळणी

स्टफ केलेली मिरची बेसनाच्या मिश्रणात व्यवस्थित घोळवून घ्या आणि गरम तेलात सोनेरी रंग येईपर्यंत मध्यम आचेवर कुरकुरीत तळून घ्या.

गरमागरम सर्व्ह करा!

तयार आहेत तुमची 'चीज बर्स्ट' मिरची भजी! पुदिन्याची चटणी किंवा टोमॅटो सॉससोबत याचा आस्वाद घ्या. मुलेही ही भजी आवडीने मागून खातील.

जेवताना कच्चा कांदा खाणे 'या' लोकांसाठी ठरू शकतो घातक!