पुजा बोनकिले
कांजिण्या हा एक संसर्गजन्य विकार आहे.
तो सहसा लहान मुलांना होतो; परंतु मोठ्या माणसांनादेखील होऊ शकतो.
आजार बरा व्हायला जास्त दिवस लागतात व आजाराची तीव्रता आणि गुंतागुंत जास्त असते.
या आजाराचे मुख्य लक्षण कोणती हे जाणून घेऊया.
त्वचेवर लाल चट्टे उठतात.
त्यावर लहान लहान पाणी धरलेले फोड येतात.
असे चट्टे उठण्यापूर्वी रुग्णाला ताप येतो व आपली प्रकृती बरी नसल्याचे जाणवत असते.
हे चट्टे चेहऱ्यावर आधी उठतात. शरीरावरून ते डोक्‍यात आणि हातापायांवर पसरतात.
छोटे छोटे फोड मोठे होतात व त्यांवर खपली धरते.
नव्या नव्या चट्ट्यांच्या लाटा येऊ लागतात. हा आजार व्हेरिसिला झॉस्टर नावाच्या विषाणूमुळे होतो.
ज्या व्यक्तीला कांजण्या आलेल्या असतील त्या व्यक्तीने घरीच राहावे, लोकांत मिसळू नये, अंगावरील सर्व चट्टे व फोड मावळल्यावरच इतरांना भेटावे, अन्यथा इतरांत पसरेल.
परंतु एखाद्या व्यक्तीला लहानपणी कांजिण्या आलेल्या नसल्यास त्या मात्र होऊ शकतात.