नारळपाणी फायदेशीर की धोकादायक? मधुमेह असलेल्या व्यक्तींनी दिवसातून किती नारळपाणी प्यावे?

नारळाच्या पाण्यामुळे मधुमेहाचा धोका!

नारळाचे पाणी हे ताजेतवाने करणारे व पोषक तत्वांनी भरलेले पेय मानले जाते. हायड्रेशनसाठी अनेक लोक यावर भरवसा ठेवतात. मात्र, मधुमेह असलेल्या व्यक्तींनी नारळपाणी पिण्याबाबत जागरूक राहणे गरजेचे आहे.

नारळपाण्यात कोणते घटक असतात?

नारळपाण्यात पोटॅशियम, मॅग्नेशियम, आणि इलेक्ट्रोलाइट्स मुबलक प्रमाणात असतात. हे शरीराला हायड्रेट करतं, थकवा कमी करतं आणि रक्तदाब नियंत्रित ठेवण्यास मदत करतं.

हानिकारक घटक बाहेर टाकते

तसेच, यामध्ये अँटीऑक्सिडंट्सही असतात, जे शरीरातील हानिकारक घटक बाहेर टाकण्यास मदत करतात.

नारळपाण्यातील नैसर्गिक साखर किती सुरक्षित?

तज्ज्ञांच्या मते, नारळाच्या पाण्यात ग्लुकोज आणि फ्रुक्टोज ही नैसर्गिक साखर असते. एका कप नारळपाण्यात सुमारे ६ ते ७ ग्रॅम साखर असते.

ग्लायसेमिक इंडेक्स कमी

तथापि, याचा ग्लायसेमिक इंडेक्स कमी असल्यामुळे ही साखर शरीरात हळूहळू शोषली जाते, त्यामुळे रक्तातील साखरेत झपाट्याने वाढ होत नाही.

मधुमेही रुग्णांनी किती नारळपाणी प्यावे?

मधुमेह असलेल्यांनी नारळाचे पाणी मर्यादित प्रमाणातच प्यावे. दिवसातून एक कप (150–200 मि.ली.) पेक्षा अधिक पिल्यास रक्तातील साखर पातळी अचानक वाढू शकते. सकाळी उपाशीपोटी किंवा व्यायामानंतर नारळपाणी पिणे अधिक सुरक्षित मानले जाते.

नियमित आणि मर्यादित सेवनच फायदेशीर

वारंवार डिहायड्रेशन होत असल्यास, नारळाचे पाणी एक चांगला पर्याय ठरू शकतो. यामध्ये कॅलोरीज कमी असतात आणि ते शरीराला नैसर्गिक ऊर्जा प्रदान करतं. मात्र, मधुमेह असलेल्या रुग्णांनी याचे अत्यधिक सेवन टाळावे.

डॉक्टरांचा सल्ला घ्या

नारळपाणी आरोग्यासाठी फायदेशीर असले, तरी मधुमेह असलेल्या व्यक्तींनी ते योग्य वेळी आणि योग्य प्रमाणातच प्यावे. डॉक्टरांचा सल्ला घेऊनच त्याचा आहारात समावेश करावा.

वांगी खाल्ल्याने खरंच किडनी स्टोन होतो? जाणून घ्या यामागील सत्य