कन्फर्म तिकीट असूनही ट्रेनमध्ये सीट मिळाली नाही? रेल्वेकडून मिळू शकते नुकसानभरपाई

कन्फर्म तिकीट

ट्रेनचं कन्फर्म तिकीट मिळालं की प्रवासाची चिंता मिटते. पण काही वेळा तिकीट असूनही प्रवाशांना आपल्या हक्काच्या सीटवर बसता येत नाही.

आरक्षित सीट

काही प्रवासी दुसऱ्याच्या आरक्षित सीटवर बसतात आणि जागा सोडत नाहीत. अशा वेळी कन्फर्म तिकीट असूनही प्रवाशांना उभं राहून प्रवास करावा लागतो.

नुकसानभरपाई

मे २०२६ मध्ये बिहारमधील भोजपूर ग्राहक आयोगाने अशाच प्रकरणात रेल्वेला दोषी ठरवलं होतं. तसेच प्रवाशांना नुकसानभरपाई देण्याचे आदेश दिले होते.

ट्रेनमध्ये गर्दी

दिवाळी किंवा इतर सणांच्या काळात ट्रेनमध्ये प्रचंड गर्दी होते. त्यामुळे कन्फर्म तिकीट असतानाही अनेकदा प्रवाशांना स्वतःच्या आरक्षित सीटपर्यंत पोहोचणं कठीण होतं.

ग्राहक आयोग

जुलै २०२६ मध्ये केरळमधील पलक्कड ग्राहक आयोगाने गर्दीमुळे आरक्षित सीटपर्यंत पोहोचता न आलेल्या प्रवाशांच्या प्रकरणात रेल्वेला ५० हजार रुपये नुकसानभरपाई देण्याचे आदेश दिले होते.

पर्यायी व्यवस्था

तांत्रिक कारणांमुळे ट्रेनचा एखादा डबा काढावा लागला, तर कन्फर्म तिकीट असलेल्या प्रवाशांची अडचण होऊ शकते. अशा वेळी रेल्वेला पर्यायी व्यवस्था करावी लागते.

काय करावं?

तुमच्या सीटवर दुसराच बसला असेल किंवा जागा मिळत नसेल, तर आधी टीटीईकडे तक्रार करा. तिकीट, कोच आणि बर्थ नंबर जवळ ठेवा.

हेल्पलाइन

रेल्वेच्या चुकीमुळे सीट मिळाली नाही, तर १३९ हेल्पलाइन किंवा रेलमददवर तक्रार करा. प्रकरणानुसार तिकीटाचे पैसे परत किंवा नुकसानभरपाई मिळू शकते.

व्हिस्की-वोडकाही फिका! या दारूमध्ये असतं तब्बल ९६ टक्के अल्कोहोल