Anushka Tapshalkar
पपई हे एक स्वादिष्ट आणि पोषणांनी समृद्ध फळ आहे. पपईला 'देवदूतांचे फळ' किंवा 'fruit of the angels' असेही म्हटले जाते.
पपई व्हिटॅमिन आणि फायबर सारख्या अनेक पोषकतत्त्वांनी परिपूर्ण असते. ज्यामुळे शारीराचे चयापचय वाढते आणि चरबी कमी होण्यास मदत होते.
पपईमध्ये भरपूर फायबर असते, त्यामुळे आपल्याला पोट दीर्घकाळ भरल्यासारखे वाटते. यामुळे सारखं सारखं खाणे टळते.
पपईमध्ये असलेले पपेन पचनास उपयुक्त असते. त्यामुळे प्रथिनांचे शोषण होण्यास मदत होते.
पपईमध्ये कॅलरीज कमी असतात. याव्यतिरिक्त, पपईमध्ये व्हिटॅमिन सी, कॅल्शियम, व्हिटॅमिन ए, मॅग्नेशियम, फोलेट आणि पोटॅशियम भरपूर प्रमाणात असते.
पपईचे सेवन आपण कधीही करू शकतो, पण नाश्त्याच्या वेळी पपईचे सेवन केल्यास अधिक फायदेशीर ठरते.
या सर्व गोष्टी मिळून पपई वजन कमी करण्यास मदत करते, परंतु वजन कमी करण्यासाठी निरोगी जीवनशैली असणे सुद्धा महत्त्वाचे आहे.
ही केवळ सामान्य माहिती आहे. आम्ही याची पुष्टी करत नाही.