आईच्या हाताची चव! 10 मिनिटांत तयार होणारा कुरकुरीत हलवा फिश फ्राय

सीफूड प्रेमींसाठी मेजवानी

मासे खाण्याची आवड असेल तर हा कुरकुरीत आणि झणझणीत हलवा फिश फ्राय तुमच्यासाठी एक उत्तम मेजवानी ठरेल.

मासे स्वच्छ करणे आणि वास काढणे

हलवा फिशचे मध्यम तुकडे करून स्वच्छ धुवून घ्या आणि त्यांचा उग्र वास घालवण्यासाठी १० मिनिटे लिंबू किंवा कोकमाचे आगळ लावून ठेवा.

खास गावरान हिरवे वाटण

मिक्सरमध्ये हिरव्या मिरच्या, लसूण, आले, कोथिंबीर आणि धणे-जिरे यांचे जाडसर वाटण तयार करून घ्या.

मसाल्यांचे कोटिंग

फिशच्या तुकड्यांना हळद, लाल तिखट, आले-लसूण पेस्ट, तयार केलेले हिरवे वाटण आणि चवीनुसार मीठ लावून एकजीव करा.

कुरकुरीतपणासाठी गुपित घटक

एका ताटात रवा आणि तांदळाचे पीठ एकत्र करा; त्यात थोडे तिखट-मीठ घातल्याने फिशचे वरचे कव्हर चविष्ट आणि कुरकुरीत होते.

घोळवण्याची पद्धत

मसाला लावलेले फिशचे तुकडे रवा आणि तांदळाच्या पीठाच्या मिश्रणात चारही बाजूंनी व्यवस्थित घोळवून घ्या.

खरपूस फ्राय करण्याची कला

गरम तेलात मासे सोडून दोन्ही बाजूंनी सोनेरी रंग येईपर्यंत आणि ते पूर्णपणे कुरकुरीत होईपर्यंत मध्यम आचेवर फ्राय करा.

गरमागरम सर्व्ह करा!

तयार झालेला गरमागरम हलवा फिश फ्राय वरून लिंबू आणि कोथिंबीर पेरून तांदळाच्या भाकरीसोबत एन्जॉय करा!.

कुकरमध्ये तयार होणारा चमचमीत तुपातला मटण पुलाव… सगळ्यांना वेड लावेल!