१५ मिनिटांत मॅरीनेट, तव्यावर झटपट फ्राय; अशी बनवा कोळंबी

चमचमीत कोळंबी फ्राय

मालवणी मसाल्याची झणझणीत चव आणि कुरकुरीत कोटिंग यामुळे ही रेसिपी नक्कीच आवडेल.

लागणारे साहित्य

२५० ग्रॅम स्वच्छ केलेली कोळंबी, १ चमचा आलं-लसूण पेस्ट, अर्धा लिंबाचा रस, २ चमचे मालवणी मसाला, पाव चमचा हळद आणि चवीनुसार मीठ घ्या.

कोळंबी मॅरीनेट करा

कोळंबीमध्ये आलं-लसूण पेस्ट, लिंबाचा रस, हळद, मालवणी मसाला आणि मीठ घालून चांगले मिक्स करा.हे मिश्रण साधारण १५ ते २० मिनिटे मुरू द्या.

कुरकुरीत कोटिंग

एका प्लेटमध्ये तांदळाचे पीठ आणि रवा एकत्र करा. मॅरीनेट केलेली कोळंबी या मिश्रणात घोळवून दोन्ही बाजूंना व्यवस्थित कोटिंग लावा.

तव्यावर फ्राय करा

पॅनमध्ये तेल गरम करून कोळंबी मध्यम आचेवर सोडा. दोन्ही बाजूंनी सोनेरी आणि कुरकुरीत होईपर्यंत सावकाश फ्राय करा.

गरमागरम सर्व्ह करा

कोळंबी फ्राय कुरकुरीत झाली की तव्यावरून काढा. लिंबाच्या फोडी आणि कांद्यासोबत गरमागरम सर्व्ह करा.

झटपट टिप

मध्यम आचेवर फ्राय केल्याने कोळंबी बाहेरून कुरकुरीत आणि आतून रसाळ राहण्यास मदत होते.

आषाढ स्पेशल! गावरान रस्सा अन् सुकं चिकनची पारंपरिक रेसिपी