पुजा बोनकिले
पावसाळ्यात गरमा गरम कांदा भजी खाण्याची मज्जाच वेगळी असते.
पण अनेकांचे भजी कुरकुरीत न होता मऊपणा येतो.
कांदा भजी हा पदार्थ कांदा, बेसन आणि इतर मसाले टाकून बनवले जातात.
पण तुम्हाला कुरकुरीत भजी बनवायची असेल तर पुढील टिप्स नक्की फॉलो करू शकता.
सर्वात आधी उभे कांदे चिरा,हिरवी मिरची,काश्मिरी लाल तिखट, जिरं पावडर,धणे पुड,ओवा,बेसन, तांदळाचे पीठ, मीठ, तेल, पाणी, कोथिंबीर साहित्य लागेल.
कुरकुरीत भजी बनवण्यासाठी एका वाटीमध्ये उभे चिरलेले कांदे घ्या. नंतर त्यात १ कप बेसन, अर्धा कप तांदळाचे पीठ आणि चवीनुसार मीठ घाला.
नंतर त्यात बारीक चिरलेली हिरवी मिरची, लाल तिखट, जिरं पावडर, धणे पूड आणि ओवा कोथिंबीर घाला.
हे मिश्रण मिक्स केल्यानंतर कांद्याला पाणी सुटतं, जर नसेल तर थोडं पाणी घालावे.
कढईत तेल गरम केल्यानंतर त्यात भजीचं तयार पीठ हाताने छोटे गोळे करून सोडा.
भजी तपकिरी होईपर्यंत तळून घ्या. कुरकुरीत कांदा भजींचा चहासोबत आस्वाद घेऊ शकता.