सकाळ डिजिटल टीम
इंडियन प्रीमियर लीग 2024 स्पर्धेला 22 मार्चपासून सुरुवात होणार आहे. यंदा आयपीएलचा 17 वा हंगाम असणार आहे.
आयपीएलच्या 17 व्या हंगामातील पहिला सामना चेन्नई सुपर किंग्स विरुद्ध रॉयल चॅलेंजर्स बेंगलोर संघात होणार आहे.
या हंगामासाठी चेन्नई सुपर किंग्स संघातील खेळाडूंनी चेन्नईमध्ये सरावाला सुरुवातही केली आहे.
चेन्नई सुपर किंग्सचा कर्णधार एमएस धोनीदेखील आगामी आयपीएल 2024 च्या सरावासाठी चेन्नईत दाखल झाला आहे.
दरम्यान, धोनी सरावादरम्यान लांब केसांच्या नव्या लूकमध्ये दिसला आहे. तसेच त्याने स्पोर्ट्स हेअर बँडही घातलेले दिसले. त्याचा हा लूक पाहून चाहत्यांना धोनीच्या सुरुवातीचे दिवस आठवले आहेत.
धोनीने जेव्हा आंतरराष्ट्रीय क्रिकेटमध्ये पदार्पण केले होते, तेव्हा त्याचे लांब केस होते.
2007 नंतर त्याने त्याचे लांब केस कापले. पण आता पुन्हा एकदा धोनीने केस वाढवले असूत तो जवळपास दोन दशकांनी लांब केसांसह खेळताना दिसणार आहे.
धोनीच्या या लांब केसातील लूकची सध्या क्रिकेटवर्तुळात मोठी चर्चा आहे.