प्रणाली कोद्रे
इंडियन प्रीमियर लीग 2024 स्पर्धेला 22 मार्च रोजी सुरुवात झाली. हा आयपीएलचा 17 वा हंगाम आहे.
17 व्या हंगामातील पहिला सामना चेन्नई सुपर किंग्स विरुद्ध रॉयल चॅलेंजर्स बेंगळुरू संघात झाला. हा पहिलाच सामना व्ह्युवरशीपच्याबाबतही विक्रमी ठरला आहे.
डिज्नी स्टारने दिलेल्या माहितीनुसार आयपीएल 2024 च्या पहिल्या दिवशी 16.8 कोटी दर्शक मिळाले. तसेच पहिल्याच दिवशी 1276 कोटी मिनिट्स वॉच-टाईम नोंदवला गेला.
इतकेच नाही, तर पहिल्याच दिवशी टीव्हीवर एकाचवेळी 6.1 कोटी लोकांनी सामना पाहिल्याचीही नोंद झाली.
आत्तापर्यंतच्या आयपीएल इतिहासातील ही पहिल्या दिवसाची व्ह्युवरशीपबाबतची सर्वोच्च आकडेवारी आहे.
याशिवाय ओटीटी प्लॅटफॉर्म जिओ सिनेमावरही आयपीएलच्या सामन्यांचे प्रक्षेपण केले जात आहे. त्यावर पहिल्या दिवशी 11.3 कोटी दर्शक मिळाले.
जिओ सिनेमाच्यानुसार गेल्यावर्षीपेक्षा यंदा पहिल्या दिवशी 51 टक्क्याने दर्शकांची संख्या वाढली आहे.
त्यांनी दिलेल्या माहितीनुसार 660 कोटी मिनिटे वॉच-टाईम जिओ सिनेमाने पहिल्या दिवशी नोंदवला आहे.