Payal Naik
'साथ निभाना साथिया' या मालिकेतून देवोलिना भट्टाचार्जी घराघरात पोहोचली.
देवोलिनाने २०२२ साली शाहनवाज शेखसोबत लग्नगाठ बांधली होती.
आंतरधर्मीय विवाह केल्याने देवोलिनाला ट्रोलही करण्यात आलं होतं. देवोलिनाचा पती शाहनवाज हा एक जीम ट्रेनर आहे.
अभिनेत्रीने १८ डिसेंबर २०२४ रोजी तिच्या पहिल्या बाळाला जन्म दिला.
याबद्दल सोशल मीडियावर पोस्ट शेअर करुन तिने चाहत्यांसोबत गुडन्यूज शेअर केली होती.
आता आपल्या मुलांच्या जन्माच्या दीड महिन्यानंतर देवोलिना भट्टाचार्जीने त्याचं नामकरण केलं आहे.
देवोलिनाने लाडक्या लेकासोबतचे काही सुंदर फोटो इन्स्टाग्रामवर पोस्ट करत याबद्दल माहिती दिली आहे.
तिने लिहिलं, 'आमच्या कुटुंबामध्ये नवीन सदस्याचं स्वागत करताना आम्हाला प्रचंड आनंद होत आहे. आमचा जॉय, बंडल ऑफ हॅप्पीनेस!'
देवोलिना आणि शहनवाजने त्यांच्या मुलाचं नाव 'जॉय' ठेवलं आहे. 'जॉय' या नावाचा अर्थ आनंद किंवा खुशी असा होतो.