वाईच्या ढोल्या गणपतीचा आकार कमी जास्त होतो का? पाहा रहस्य!

सातारा

सातारा जिल्ह्यातील वाई येथे कृष्णा नदीच्या पाठीवर १७६२ मध्ये बांधलेले प्रसिद्ध अन् प्राचीन महागणपती मंदिर आजही तितक्याच दिमाखात उभे आहे.

'ढोल्या गणपती'

एकाच सलग काळ्या दगडातून घडवलेल्या अत्यंत भव्य अन् विशाल आकारामुळे या गणपतीला संपूर्ण महाराष्ट्रात 'ढोल्या गणपती' म्हणून ओळखले जाते.

पेशव्यांचे सरदार रास्ते

पेशव्यांचे सरदार गणपतराव भिकाजी रास्ते यांनी १७६२ मध्ये तब्बल १ लाख ६० हजार रुपये खर्च करून हे प्रसिद्ध मंदिर उभारले होते.

पुराचे पाणी

कृष्णा नदीच्या पात्रातील महापुराचा पाण्याचा दाब दुभंगून मंदिराला कोणताही धोका पोहोचू नये, यासाठी मंदिराच्या मागच्या भिंतीची रचना नावेच्या टोकासारखी (मत्स्याकार) केली आहे.

कर्नाटकातील बेसॉल्ट दगड

या मंदिरासाठी आणि मूर्तीसाठी कर्नाटकातून बेसॉल्ट दगड आणला गेला होता, जो सुरुवातीला मऊ अन् नंतर हवा-पाण्याच्या संपर्काने अधिक कठीण होत जातो.

एकाश्म दगड; ६ फूट उंच मूर्ती

मंदिराच्या गर्भगृहात एकाच दगडात कोरलेली, दोन्ही मांड्या रोवून बसलेली, ६ फूट उंच आणि ७ फूट रुंद अशी भव्य डाव्या सोंडेची मूर्ती विराजमान आहे.

विजेपासून संरक्षण

मंदिराच्या ७५ फूट उंच शिखरावर बसवलेली लोखंडी पहार ही प्राचीन काळातील नैसर्गिक वीजवाहक (लाइटनिंग अरेस्टर) म्हणून काम करते, ज्यामुळे मंदिराचे विजेपासून रक्षण होते.

युद्धाला जाणारे रूप

ही गणेशमूर्ती सामान्यतः आशीर्वाद देणारी नसून युद्धाला जाणाऱ्या रूपात कोरलेली असून त्यावर सुबक दागिने अन् यज्ञोपवित स्पष्ट दिसते.

मूर्तीची उंची खरोखरच कमी होतेय का?

मूर्तीची उंची दरवर्षी कमी होत असल्याची आख्यायिका खोडून काढत, विश्वस्तांनी स्पष्ट केले की फक्त मुकुट गोलाकार केल्यामुळे उंची कमी झाल्याचा भास होतो.

नवसाला पावणारा बाप्पा

महाराष्ट्राचे हे आराध्य दैवत नवसाला पावणारे मानले जाते, जिथे भाविक आपला नवस पूर्ण करण्यासाठी नारळाचे तोरण बांधण्याची प्राचीन परंपरा पाळतात.

थायलंड ते जपान! परदेशात कशी होते बाप्पाची पूजा?