थायलंड ते जपान! परदेशात कशी होते बाप्पाची पूजा?

सर्व समावेशक अन् लोकप्रिय लोकदैवत

जाती-धर्माच्या पलीकडे जाऊन पूजले जाणारे गणपती बाप्पा केवळ भारतातच नव्हे, तर आशियातील अनेक देशांमध्ये वेगवेगळ्या नावाने अन् रूपात पूजले जातात.

थायलंडमधील 'फ्रा फिकानत'

थायलंडमध्ये गणपतीला 'फ्रा फिकानत' म्हटले जाते. तेथे बाप्पाला यश, समृद्धी आणि विघ्नहर्ता मानले जात असून चाचोएंगसाओ येथे बाप्पाची विशाल मूर्ती आहे.

जपानमधील 'कांगितेन' रूप

जपानमधील बौद्ध परंपरेत गणपती बाप्पाची पूजा 'कांगितेन' किंवा 'शोटेन' नावाने केली जाते. तेथे आलिंगन दिलेल्या दोन हत्तींच्या रूपातील मूर्तीची विशेष परंपरा आहे.

कंबोडिया

कंबोडियातील ऐतिहासिक 'अंगकोर वाट' येथील 'प्रसाद बक' हे मंदिर भगवान गणेशाला समर्पित असून तेथे इसवी सन ८०२ पूर्वीपासून पूजा केली जाते.

सिंगापूरमधील 'विनायगर' मंदिर

सिंगापूरमध्ये तमिळ परंपरेनुसार बाप्पाला 'विनायगर' म्हटले जाते. तेथील श्री लायान सिथी आणि श्री सेनपागा विनायगर मंदिरात बाप्पा मुख्य दैवत म्हणून पूजला जातो.

इंडोनेशिया

इंडोनेशियातील जावा बेटावर १४ व्या व १५ व्या शतकापासून तांत्रिक परंपरेत गणेशाची पूजा केली जाते. तेथे बाप्पाला ज्ञान अन् कलेचे प्रतीक मानतात.

मॉरिशस

मॉरिशसमधील मुख्य धार्मिक सणांमध्ये 'गणेशोत्सव' समाविष्ट आहे. तेथे सप्टेंबर महिन्यात अधिकृत सुट्टी देऊन हा सण अत्यंत उत्साहात साजरा केला जातो.

म्यानमारमधील 'महापेइन्ने'

म्यानमारमध्ये संस्कृत 'महाविनायक' या शब्दावरून बाप्पाला 'महापेइन्ने' नाव पडले असून तेथील प्राचीन परंपरेनुसार त्यांना विशेष स्थान दिले गेले आहे.

चीन

आधुनिक सीमा बनण्यापूर्वीच बाप्पाने चीनमध्ये प्रवेश केला होता. तेथे उत्तर भागात 'कांगितेन' नावाने इसवी सन ५३१ मधील प्राचीन मूर्ती आढळते.

आशिया खंडात पसरलेला गणेशोत्सव

भारत ओलांडून तिबेट, चीन, जपान आणि दक्षिण-पूर्व आशियाई देशांमध्ये बाप्पाचा हा अनोखा सांस्कृतिक अन् धार्मिक प्रवास आजही अविरत सुरू आहे.

कोणत्या आहेत जगातील ८ सर्वात जास्त सुंदर अन् रंगीबेरंगी इमारती?