फक्त भारतातच नाही तर 'या' 7 देशातही दिवाळीचा असतो खास उत्सव

भारताबाहेरही उजळते दिवाळीचा प्रकाश

दिवाळी आता केवळ भारतापुरती मर्यादित राहिलेली नाही. आज हा सण संपूर्ण जगभरात 'Festival of Lights' म्हणून साजरा केला जात आहे.

नेपाळ

नेपाळमध्ये दिवाळीला 'तिहार' किंवा 'स्वान्ति' असे म्हणतात. हा सण पाच दिवसांचा असतो आणि त्यात कावळा, कुत्रा, गाय, लक्ष्मी आणि भावंडांचा सन्मान केला जातो.

श्रीलंका

रावणाचा पराभव झाल्यानंतर विभीषणाने लंकेत दिवाळी साजरी करण्याची परंपरा सुरू केली. आजही येथे अमावास्येच्या रात्री दिवे प्रज्वलित केले जातात.

सिंगापूर

सिंगापूरमध्ये दिवाळीला सार्वजनिक सुट्टी दिली जाते. हा सण रंगीबेरंगी दिवे, सांस्कृतिक कार्यक्रम आणि मिठाईसह साजरा केला जातो.

मलेशिया

मलेशियामध्ये हिंदू सूर्य कॅलेंडरच्या सातव्या महिन्यात दीपावली साजरी केली जाते. मंदिरे आणि घरं दिव्यांनी सजवली जातात.

कॅनडा

कॅनडातील टोरोंटो आणि व्हॅंकुव्हरमध्ये दिवाळीच्या निमित्ताने मोठ्या प्रमाणावर मेळावे, फटाके आणि सांस्कृतिक कार्यक्रमांचे आयोजन केले जाते.

मॉरिशस

मॉरिशसमध्ये दिवाळीला सार्वजनिक सुट्टी असते. लोक घरांची सजावट करतात, दिवे प्रज्वलित करतात आणि गोड पदार्थांचे वितरण करतात.

त्रिनिदाद अँड टोबॅगो

या देशात दिवाळीला राष्ट्रीय उत्सव म्हणून मान्यता आहे. विविध धर्मांचे लोक एकत्र येऊन हर्षोल्हासाने साजरी करतात.

दिवाळीची मिठाई हेल्दी बनवा! वापरा साखरेला पर्यायी 'हे' गोड पदार्थ