दिवाळीत फराळ तळताना करू नका या चुका! योग्य तेल निवडण्यासाठी लक्षात ठेवा ५ गोष्टी

तेल निवडताना काय पाहाल?

सणासुदीला पुरी, भजी आणि फराळाचे पदार्थ तळताना तेलाचा स्मोक पॉइंट, त्यातील फॅट्सचा प्रकार आणि तेलाची गुणवत्ता लक्षात घ्या.

राइस ब्रॅन ऑइल

तांदळाच्या कोंड्यापासून तयार होणारं तेल म्हणजे राइस ब्रॅन ऑइलमध्ये असंतृप्त फॅट्स असतात. त्याचा स्मोक पॉइंट तुलनेने जास्त असल्यामुळे योग्य तापमानावर पदार्थ तळण्यासाठी हा एक पर्याय ठरू शकतो.

रिफाइंड ऑलिव्ह ऑइल

रिफाइंड ऑलिव्ह ऑइलमध्ये मोनोअनसॅच्युरेटेड फॅट्स असतात आणि त्याचा स्मोक पॉइंट तुलनेने जास्त असतो. त्यामुळे डीप फ्रायिंगसाठी तेलाचा हा प्रकार निवडता येतो.

कुसुमाच्या तेलाचा वापर

कुसुमाच्या बियांपासून तयार होणाऱ्या तेलातील फॅट्सचे प्रमाण त्याच्या प्रकारानुसार बदलते. तळण्यासाठी हे तेल निवडताना पॅकिंगवरील माहिती आणि वापराच्या सूचना तपासा.

शेंगदाणा तेल

भारतीय स्वयंपाकघरात लोकप्रिय असलेलं शेंगदाणा तेल पुरी, भजी आणि इतर तळलेल्या पदार्थांसाठी वापरता येतं. मात्र, शेंगदाण्याची अॅलर्जी असणाऱ्यांनी विशेष काळजी घ्यावी.

देशी तूप वापरताना काळजी

तुपामुळे पदार्थांना खास चव आणि सुगंध मिळतो. मात्र, त्यामध्ये सॅच्युरेटेड फॅट्सचं प्रमाण अधिक असतं. त्यामुळे तूप म्हणजे तेलापेक्षा नेहमीच आरोग्यदायी पर्याय, असं समजू नका.

एकाच तेलाचा वारंवार वापर टाळा

तेल पुन्हा पुन्हा गरम केल्याने त्यात हानिकारक घटक तयार होऊ शकतात. त्यामुळे शक्यतो तेलाचा पुनर्वापर टाळा आणि तेलातून धूर निघेपर्यंत ते गरम करू नका.

तळल्यानंतर अतिरिक्त तेल काढा

पुरी किंवा भजी तळल्यानंतर ती शोषक कागदावर ठेवा. यामुळे पदार्थाच्या पृष्ठभागावरील अतिरिक्त तेल कमी होण्यास मदत होते.

योग्य तेलासोबत प्रमाणही महत्त्वाचं!

स्मोक पॉइंट जास्त असलेलं तेल वापरलं तरी तळलेले पदार्थ पूर्णपणे आरोग्यदायी होत नाहीत. त्यामुळे सणासुदीला आवडीचे पदार्थ खा; पण त्यांचं प्रमाण मर्यादित ठेवा आणि संतुलित आहाराला प्राधान्य द्या.

सणासुदीआधी पूजेची तांब्याची भांडी नव्यासारखी चमकवा; वापरा 'या' हटके ८ ट्रिक्स