थंडीत दारू प्यायल्याने शरीर खरंच गरम होतं?

दारूचा पेग

थंडी वाजू लागली की काही जण उब मिळावी म्हणून दारूचा पेग घेतात. पण दारूमुळे शरीर खरंच गरम होतं का? तर यामागचं सत्य वेगळंच आहे.

रक्तवाहिन्या

दारू प्यायल्यानंतर त्वचेच्या जवळच्या रक्तवाहिन्या रुंद होतात. त्यामुळे त्वचेपर्यंत जास्त गरम रक्त पोहोचतं आणि आपल्याला शरीरात उब आल्यासारखं वाटतं.

उष्णता

दारूमुळे त्वचेपर्यंत आलेली उष्णता थंड हवेत लवकर बाहेर पडते. त्यामुळे वरून उब जाणवत असली, तरी शरीराचं अंतर्गत तापमान कमी होऊ शकतं.

परिणाम

दारूचा परिणाम मेंदूवरही होतो. त्यामुळे थंडी जाणवण्याची क्षमता कमी होऊ शकते. अशावेळी शरीर थंड पडत असलं, तरी आपल्याला त्याचा अंदाज येत नाही.

हायपोथर्मिया

शरीराचं अंतर्गत तापमान ३५ अंश सेल्सिअसपेक्षा खाली गेलं, तर हायपोथर्मिया होऊ शकतो. ही गंभीर स्थिती असून वेळेवर उपचार न मिळाल्यास जीवाला धोका निर्माण होऊ शकतो.

धोका

दारू पिऊन बाहेर झोपणारे, ज्येष्ठ नागरिक, कमी वजन असलेले तसंच हृदय किंवा रक्तदाबाचा त्रास असणाऱ्यांना थंडीत अधिक धोका असू शकतो.

दुखापत

दारूमुळे लघवीचं प्रमाण वाढू शकतं आणि शरीरात पाण्याची कमतरता निर्माण होऊ शकते. शिवाय नशेत तोल जाऊन पडणं किंवा दुखापत होण्याचा धोकाही वाढतो.

उबदार कपडे

थंडीत उबदार कपडे घाला आणि सुरक्षित ठिकाणी राहा. एखादी व्यक्ती खूप सुस्त झाली किंवा गोंधळल्यासारखी वागू लागली, तर तातडीने डॉक्टरांचा सल्ला घ्या.

तज्ज्ञांचा सल्ला

वरील माहिती ही सामान्य माहितीवर आधारीत आहे. अधिक माहितीसाठी तज्ज्ञांशी संपर्क साधावा.

श्रीलंकेतही दसरा साजरा होतो का?